ଦିଲ୍ଲୀ: ଏଣିକି ମଦ ବିକ୍ରି ଉପରେ ଲାଗିବ ବଡ଼ କଟକଣା। ଏବେ ଶନିବାର ଓ ରବିବାର ରାତି ୮ଟା ପରେ ବନ୍ଦ ରହିବ ସମସ୍ତ ମଦ ଦୋକାନ। ଜନ୍ତର ମନ୍ତର ଆନ୍ଦୋଳନ ମଧ୍ୟରେ ଦିଲ୍ଲୀ ସରକାରଙ୍କ ଏହି ବଡ଼ ନିଷ୍ପତ୍ତି ଏବେ ଚର୍ଚ୍ଚାର ବିଷୟ ପାଲଟିଛି। ଆଇନ-ଶୃଙ୍ଖଳା ରକ୍ଷା ଓ ସାଧାରଣ ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି ଏହି ପଦକ୍ଷେପ ନିଆଯାଇଥିବା କୁହାଯାଉଛି। ତେବେ ଏହି ନିଷ୍ପତ୍ତି ପଛର କାରଣ କ'ଣ ଏବଂ ଏହାର ପ୍ରଭାବ କାହା ଉପରେ ପଡ଼ିବ?
ସପ୍ତାହାନ୍ତରେ ଦିଲ୍ଲୀରେ ମଦ ବିକ୍ରି ଉପରେ ଆଂଶିକ କଟକଣା ଲଗାଯାଇଛି । ସରକାରଙ୍କ ନୂଆ ନିର୍ଦ୍ଦେଶ ଅନୁସାରେ ଶନିବାର ଓ ରବିବାର ସମସ୍ତ ଲାଇସେନ୍ସପ୍ରାପ୍ତ ମଦ ଦୋକାନ ରାତି ୮ଟା ସୁଦ୍ଧା ବନ୍ଦ କରିବାକୁ ପଡ଼ିବ। ପୂର୍ବରୁ ଯେଉଁ ସମୟ ପର୍ଯ୍ୟନ୍ତ ଦୋକାନ ଖୋଲା ରହୁଥିଲା, ତାହାକୁ କମାଇ ଏହି ନୂଆ ବ୍ୟବସ୍ଥା ଲାଗୁ କରାଯାଇଛି।ସରକାରଙ୍କ କହିବା ଅନୁସାରେ,ଆନ୍ଦୋଳନକୁ ଦୃଷ୍ଟିରେ ରଖି ଭିଡ଼ ନିୟନ୍ତ୍ରଣ, ଆଇନ-ଶୃଙ୍ଖଳା ବଜାୟ ରଖିବା ଏବଂ ଅପ୍ରୀତିକର ପରିସ୍ଥିତିକୁ ଏଡ଼ାଇବା ପାଇଁ ଏହି ପଦକ୍ଷେପ ନିଆଯାଇଛି। ପୁଲିସ ଓ ପ୍ରଶାସନକୁ ମଧ୍ୟ ସତର୍କ ରହିବାକୁ ନିର୍ଦ୍ଦେଶ ଦିଆଯାଇଛି।
ଏହି ନିଷ୍ପତ୍ତିର ପ୍ରଭାବ ମଦ ବ୍ୟବସାୟୀ ଏବଂ ଗ୍ରାହକଙ୍କ ଉପରେ ପଡ଼ିପାରେ। ତେବେ ସରକାର ସ୍ପଷ୍ଟ କରିଛନ୍ତି ଯେ, ଲୋକଙ୍କ ସୁରକ୍ଷା ଏବଂ ଶାନ୍ତି ବଜାୟ ରଖିବା ହିଁ ଏହି ନିଷ୍ପତ୍ତିର ପ୍ରମୁଖ ଉଦ୍ଦେଶ୍ୟ। ଦିଲ୍ଲୀରେ ସପ୍ତାହାନ୍ତରେ ମଦ ଦୋକାନର ସମୟସୀମା କମାଇବା ନିଷ୍ପତ୍ତି ନେଇ ରାଜନୈତିକ ଓ ସାମାଜିକ ମହଳରେ ଚର୍ଚ୍ଚା ଜୋର ଧରିଛି। ଆଗାମୀ ଦିନରେ ପରିସ୍ଥିତିକୁ ଆକଳନ କରି ସରକାର ପରବର୍ତ୍ତୀ ପଦକ୍ଷେପ ନେବେ କି ନାହିଁ, ତାହା ଉପରେ ସମସ୍ତଙ୍କ ନଜର ରହିଛି। ଦିଲ୍ଲୀରେ ସପ୍ତାହାନ୍ତରେ ରାତି ୮ଟାରେ ମଦ ଦୋକାନ ବନ୍ଦ ରଖିବାର ନିଷ୍ପତ୍ତି କେତେଦୂର ପ୍ରଭାବଶାଳୀ ହେବ, ତାହା ଆଗାମୀ କିଛି ଦିନରେ ସ୍ପଷ୍ଟ ହେବ।
Source link
