ନୂଆଦିଲ୍ଲୀ: ସୁପ୍ରିମକୋର୍ଟ ସୋମବାର ଆଇପିସିର ଧାରା ୪୯୮-ଏ (ପତି ଓ ତାଙ୍କ ସମ୍ପର୍କୀୟଙ୍କ କ୍ରୁରତା ସମ୍ବଦ୍ଧିତ)ର ପରିସର ବଢାଇ ରାୟରେ କହିଛନ୍ତି ଯେ ଏହି ପ୍ରାବଧାନ ଲିଭ-ଇନ୍ ରିଲେସନରେ ରହୁଥିବା ଲୋକଙ୍କ ଉପରେ ମଧ୍ୟ ଲାଗୁ ହେବ। କୋର୍ଟ କହିଛନ୍ତି ଯେ ଲିଭ୍-ଇନ ରିଲେସନସିପ୍ ଆଜିର ଦିନରେ ଏକ ବାସ୍ତବତା। ଖାସ କରି ସହରାଞ୍ଚଳରେ ଯେଉଁଠି ଜନସଂଖ୍ୟାର ଏକ ବଡ଼ ଭାଗ ବସବାସ କରୁଛନ୍ତି ସେଠାରେ ଲିଭ୍-ଇନ ସାଧାରଣ କଥା। ଏଣୁ ଆଇନ ଏପରି ଲୋକଙ୍କ ଆବଶ୍ୟକତା ହିସାବରେ ନିଜକୁ ବଦଳାଇବ ଯେଉଁମାନେ ଏପରି ସମ୍ପର୍କକୁ ବାଛୁଛନ୍ତି।
ସୁପ୍ରିମକୋର୍ଟଙ୍କ ବିଚାରପତି ଜଷ୍ଟିସ୍ ସଞ୍ଜୟ କୌଲ ଓ ଜଷ୍ଟିସ୍ ଏନ.କୋଟିଶ୍ୱର ସିଂହଙ୍କ ପୀଠ କହିଛନ୍ତି ଯେ ଲିଭ-ଇନରେ ରହୁଥିବା ପୁରୁଷଙ୍କ ଉପରେ ମହିଳାଙ୍କ ପ୍ରତି କ୍ରୁରତା ଲାଗି ମୋକଦ୍ଦମା ଚଳା ଯାଇ ପାରିବ, ଯଦି ସମ୍ପର୍କ ବିବାହ ପ୍ରକୃତିର ହୋଇଥିବ। ପୀଠ କହିଛନ୍ତି ଯେ ଧାରା ୪୯୮-ଏ ତାହା ସଂରକ୍ଷିତ ଲିଭ-ଇନ ରିଲେସନ ମନେ କରାଯିବ ଯାହା ଦୁଇ ସହମତ ସାବାଳକ ଲୋକଙ୍କ ମଧ୍ୟରେ ଥିବ। ଆଇନର ଏହି ସିଦ୍ଧାନ୍ତ କେବଳ ଆଇପିସିର ଧାରା ୪୯୮-ଏ ପର୍ଯ୍ୟନ୍ତ ସୀମିତ ରହିବ ଓ ଏହି ବିସ୍ତାରିତ ବ୍ୟାଖ୍ୟା ର ପ୍ରଭାବ କୌଣସି ଅନ୍ୟ ପ୍ରାବଧାନ ଉପରେ ରହିବ ନାହିଁ। ଶୀର୍ଷ ନ୍ୟୟାଳୟ କହିଛନ୍ତି ଯେ ଗିରଫଦାରୀ ଓ ଅନ୍ୟ କାରକ ସମ୍ପର୍କିତ ସୁରକ୍ଷା ଉପାୟଗୁଡିକୁ କଡ଼ାକଡି ଲାଗୁ କରାଯିବ।
ଲିଭ-ଇନ ପାର୍ଟନର ସମେତ ବିବାହ ଭଳି ସମ୍ପର୍କରେ ରହୁଥିବା କୌଣସି ବ୍ୟକ୍ତି ବା ତାଙ୍କ ସମ୍ପର୍କୀୟଙ୍କ ମହିଳାଙ୍କ ସହିତ କ୍ରୁରତ ଅବଲମ୍ବନ କରିବା ଅଭିଯୋଗରେ ପ୍ରାରମ୍ଭିକ ଯାଞ୍ଚ ବିନା ଗିରଫ କରାଯାଇ ପାରିବନି। ସୁପ୍ରିମକୋର୍ଟ କହିଛନ୍ତି ଯଦି କୌଣସି ମହିଳା ବିବାହ ପୂର୍ବରୁ ଘରୋଇ ବ୍ୟବସ୍ଥାରେ ରହୁଛନ୍ତି ତେବେ ତାଙ୍କୁ ମଧ୍ୟ ସେହି ସୁରକ୍ଷା ମିଳିବ, ଯାହା ବିବାହିତ ମହିଳାଙ୍କୁ ମିଳେ। କୋର୍ଟ କହିଛନ୍ତି ଯେ କୌଣସି ବ୍ୟକ୍ତି ବୁଝି ବିଚାରୀ ସମ୍ପର୍କ କରେନି ଯେ ତା ସହିତ ମଧ୍ୟ କ୍ରୁରତା ହେବ। ଯେବେ କୌଣସି ଯୋଡି ସମ୍ପର୍କ ଆରମ୍ଭ କରନ୍ତି ସାଧାରଣତଃ ଏହା କୁହାଯାଇ ପାରେ ଯେ ସେମାନଙ୍କ ଉଦ୍ଦେଶ୍ୟ ଭଲ ଓ ସେମାନେ ସବୁ ପ୍ରକାର ଖୁସି ଚାହାନ୍ତି।
ତେବେ ସମୟ ସହିତ କିଛି ସମ୍ପର୍କରେ ଜଟିଳତା ଆସିଯାଏ। ଆଇନରେ ଏଥି ପାଇଁ ପ୍ରାବଧାନ ରହିବା ଦରକାର। ସୁପ୍ରିମକୋର୍ଟ ଏହି ରାୟ ସେହି ପ୍ରଶ୍ନ ଉପରେ ଆସିଛି ଯେଉଁଥିରେ ଲିଭ-ଇନରେ ରହୁଥିବା ପୁରୁଷଙ୍କ ଲାଗି ଆଇପିସିର ଧାରା ୪୯୮-ଏ ଅନୁସାରେ ମୋକଦ୍ଦମା ଚଳା ଯାଇ ପାରିବ କି ନା? ବୋଲି ପଚରା ଯାଇଥିଲା। ତେବେ ସୁପ୍ରିମକୋର୍ଟ କହିଛନ୍ତି ଯେ ହଁ ଚଳା ଯାଇ ପାରିବ ଓ ତାହା ଯଦି ବୈବାହିକ ସମ୍ପର୍କ ଉଦ୍ଦେଶ୍ୟ ପ୍ରମାଣିତ କରୁଥାଏ ।
