ରାଞ୍ଚି: ଛାତ୍ର ଏବଂ ଆଶାୟୀଙ୍କ ଆନ୍ଦୋଳନ ଆଗରେ ନଇଁଲେ ହେମନ୍ତ ସରକାର । ଝାଡ଼ଖଣ୍ଡରେ ୨୪ ଦିନ ଧରି ଜାରି ଆନ୍ଦୋଳନ ପରେ ଛାତ୍ରଙ୍କ ଦାବି ମାନିଛନ୍ତି ସରକାର । ସିଏମ୍ ହେମନ୍ତ ସୋରେନ୍ ଘୋଷଣା କରିଛନ୍ତି ଯେ ଏଜେନ୍ସି TDPL ପକ୍ଷରୁ କରାଯାଇଥିବା ଜେଏସଏସସି ସିଜିଏଲ୍ ସମେତ ସମସ୍ତ ପରୀକ୍ଷା ଏବଂ ସେଗୁଡ଼ିକର ରେଜଲ୍ଟ ରଦ୍ଦ କରିଦିଆଯାଇଛି । ଏହା ସହିତ ୨୦୧୪ ମସିହାରୁ ଆଜି ଯାଏଁ ହୋଇଥିବା ସମସ୍ତ ନିଯୁକ୍ତି ପରୀକ୍ଷାରେ ଅନିୟମିତତାର ସିଆଇଡି ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି । ଏହି ନିଷ୍ପତ୍ତି ପରେ ରାଞ୍ଚିର ଜୟପାଳ ସିଂହ ମୁଣ୍ଡା ଷ୍ଟାଡିୟମରେ ଆନ୍ଦୋଳନରତ ଆଶାୟୀଙ୍କ ମଧ୍ୟରେ ଖୁସିର ମାହୋଲ ଦେଖିବାକୁ ମିଳିଛି ।
କ୍ୟାବିନେଟ୍ ବୈଠକ ପରେ ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ କହିଛନ୍ତି, “ଆଜି କ୍ୟାବିନେଟ୍ JSSC-CGL ବାତିଲ କରିବାକୁ ନିଷ୍ପତ୍ତି ନେଇଛି । ୨୦୧୪ ପରଠାରୁ ହୋଇଥିବା ସମସ୍ତ ଛୋଟ ଏବଂ ବଡ଼ ଭୁଲର ତଦନ୍ତ କରାଯିବ ।”
ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ କହିଛନ୍ତି, “ଆଜି ଆମେ ଏହି ପ୍ରସଙ୍ଗର ସମାଧାନ ପାଇଁ ଏକ ସ୍ୱତନ୍ତ୍ର କ୍ୟାବିନେଟ୍ ବୈଠକ କରିଛୁ । ସମସ୍ତ ଦିଗକୁ ବିଚାର କରିବା ଏବଂ ସମସ୍ୟାର ସମାଧାନ ଖୋଜିବା ପରେ, ଆମେ ଟିଡିପିଏଲ୍ ଦ୍ୱାରା ପରିଚାଳିତ ସମସ୍ତ ପରୀକ୍ଷା, ଟିଡିପିଏଲ୍ ଦ୍ୱାରା ପ୍ରକାଶିତ ଫଳାଫଳ ଏବଂ ଟିଡିପିଏଲ୍ ମାଧ୍ୟମରେ କୌଣସି ପ୍ରାର୍ଥୀଙ୍କ ଚୟନ କିମ୍ବା ଅଂଶଗ୍ରହଣକୁ ବାତିଲ କରିବାକୁ ନିଷ୍ପତ୍ତି ନେଇଛୁ । ସମସ୍ତ ଟିଡିପିଏଲ୍ କାର୍ଯ୍ୟକଳାପକୁ ମଧ୍ୟ ବାତିଲ କରାଯାଇଛି ।”
#WATCH | Ranchi: Jharkhand CM Hemant Soren says, “Today, the Cabinet decided to cancel the JSSC-CGL examinations as well. Furthermore, a comprehensive inquiry will be conducted into all errors—minor or major—that have occurred since 2014. We will also soon convene to discuss the… pic.twitter.com/9jnEdbUaHx
— ANI (@ANI) August 17, 2026
ମୁଖ୍ୟମନ୍ତ୍ରୀ ହେମନ୍ତ ସୋରେନ କହିଛନ୍ତି, “ଏସଆଇଟି ଏବଂ ସିଆଇଡି ତଦନ୍ତରେ ଅନେକ ଆଶ୍ଚର୍ଯ୍ୟଜନକ ତଥ୍ୟ ସାମନାକୁ ଆସିଛି । ତଦନ୍ତ ଏବେ ବି ଚାଲିଥିବାରୁ ସବୁ କଥା ସାର୍ବଜନୀନ କରିବା ସମ୍ଭବ ନୁହେଁ । ତଥାପି, ସିଜିଏଲ୍ ପ୍ରକ୍ରିୟା ମାଧ୍ୟମରେ ନିଯୁକ୍ତ ଲୋକମାନଙ୍କୁ ଏବେ ଜେପିଏସସି ପରୀକ୍ଷାରେ ଅନିୟମିତତା ଅଭିଯୋଗରେ ଗିରଫ କରାଯାଉଛି ।”
