ଭାରତୀୟ ହକି ଟିମ୍ର ନୂଆ ଜର୍ସିକୁ ନେଇ କାହିଁକି ବିବାଦ ? ପୂର୍ବତନ ଅଧିନାୟକ ଉଠାଇଲେ ପ୍ରଶ୍ନ, ହକି ଇଣ୍ଡିଆ ଦେଲା ଜବାବ
ନୂଆଦିଲ୍ଲୀ: ଭାରତୀୟ ହକି ଟିମର ନୂଆ ଜର୍ସିକୁ ନେଇ ବଡ଼ ବିବାଦ ଉଠିଛି । ଆସନ୍ତା ପୁରୁଷ ଓ ମହିଳା ହକି ବିଶ୍ୱକପ ପର୍ବରୁ ହକି ଇଣ୍ଡିଆର ପାରମ୍ପାରିକ ନୀଳ ଜର୍ସି ସ୍ଥାନରେ ନାରଙ୍ଗୀ (ଅରେଞ୍ଜ) ରଙ୍ଗର ଜର୍ସି ଲଞ୍ଚ କରାଯାଇଛି । ଏହି ନିଷ୍ପତ୍ତି ଉପରେ ପର୍ବତନ ଭାରତୀୟ ଅଧିନାୟକ ବୀରେନ ରାସକ୍ୱିହ୍ନା ଅସନ୍ତୋଷ ବ୍ୟକ୍ତ କରି ପ୍ରଶ୍ନ ଉଠାଇଛନ୍ତି । ଭାରତୀୟ ହକିର ପରିଚୟ ଥିବା ନୀଳ ଜର୍ସିକୁ ବଦଳାଇବାର ଆବଶ୍ୟକତା କଣ ? ଏହି ବିବାଦ ଉପରେ ହକି ଇଣ୍ଡିଆ ନିଜର ସ୍ପଷ୍ଟୀକରଣ ରଖିଛି ।
ଭାରତ ପୁରୁଷ ଏବଂ ମହିଳା ହକି ଟିମ୍ ଅନେକ ଦଶନ୍ଧି ଧରି ନୀଳ ଜର୍ସିରେ ଖେଳି ଆସୁଛି । ଏହି ରଙ୍ଗ ଭାରତୀୟ ହକିର ପରିଚୟ ହୋଇସାରିଛି । ନୂଆ ନାରଙ୍ଗୀ ଜର୍ସି ଲଞ୍ଚ୍ ହେବା ପରେ ପୂର୍ବତନ ଅଧିନାୟକ ବୀରନେ ରାସକ୍ୱିହ୍ନା ସୋସିଆଲ୍ ମିଡିଆରେ ନିଜ ମତ ପ୍ରକାଶ କରିଛନ୍ତି । ସେ ଲେଖିଛନ୍ତି, ହକି ଇଣ୍ଡିଆ ଅନେକ ଭଲ କାମ କରିଛି, କିନ୍ତୁ ଏହି ନିଷ୍ପତ୍ତି ଲଜ୍ଜାଜନକ । ଭାରତୀୟ ଟିମର ଐତିହ୍ୟ ଓ ପରିଚୟ ସବୁବେଳେ ନୀଳ ଜର୍ସି ରହିଆସିଛି । ମୁଁ ଅନେକ ବର୍ଷ ଯାଏ ଗର୍ବର ସହ ଏହି ନୀଳ ଜର୍ସି ପିନ୍ଧିଛି । ଫ୍ୟାନ୍ସ ମଧ୍ୟ ଭାରତୀୟ ଟିମକୁ ନୀଳ ଜର୍ସିରେ ଦେଖିବାକୁ ଚାହାନ୍ତି । ନାରଙ୍ଗୀ (ଗେରୁଆ) ରଙ୍ଗର ତର୍କ କଣ ?
I must say that@TheHockeyIndiahas done many good things for
. But this is embarrassing. The legacy & identity of the Indian team has always been BLUE. I wore the Blue jersey with pride for many years. Fans want to see our Indian team in blue. What is the logic of orange?https://t.co/apDnJkTld4
— Viren Rasquinha (@virenrasquinha)July 29, 2026
ବିବାଦ ବଢ଼ିବା ପରେ, ହକି ଇଣ୍ଡିଆର ସଭାପତି ଦିଲୀପ ତିର୍କୀ ନିଷ୍ପତ୍ତି ପଛର କାରଣ ସ୍ପଷ୍ଟ କରିଛନ୍ତି । ସେ କହିଛନ୍ତି ଯେ ଏହି ପରିବର୍ତ୍ତନ କେବଳ ଜଣେ ବ୍ୟକ୍ତିଙ୍କ ନିଷ୍ପତ୍ତି ନୁହେଁ, ବରଂ ଖେଳାଳି, ଅଧିନାୟକ, ପ୍ରଶିକ୍ଷକ ଏବଂ ସପୋର୍ଟ ଷ୍ଟାଫଙ୍କ ପରାମର୍ଶ ଉପରେ ଆଧାରିତ । ତିର୍କୀ କହିଛନ୍ତି, “ନୀଳ ଜର୍ସି ଅନ୍ତର୍ଜାତୀୟ ହକିରେ ବ୍ୟବହୃତ ନୀଳ ସିନ୍ଥେଟିକ୍ ଟର୍ଫ ସହିତ ସଂପୂର୍ଣ୍ଣ ମିଶିଯାଇଥିଲା । ଏହା ଖେଳାଳିମାନଙ୍କ ପାଇଁ ପଡ଼ିଆରେ ପରସ୍ପରକୁ ଚିହ୍ନିବା କଷ୍ଟକର କରିଥିଲା ଏବଂ ସମସ୍ୟା ସୃଷ୍ଟି କରିଥିଲା । ପ୍ରଶିକ୍ଷକ ଏବଂ ଖେଳାଳିମାନେ ଏହି ସମସ୍ୟାର ସମାଧାନ ପାଇଁ ହଳଦିଆ ଏବଂ ନାରଙ୍ଗୀ ଜର୍ସି ପାଇଁ ପରାମର୍ଶ ଦେଇଥିଲେ । ସମସ୍ତ ଦିଗକୁ ବିଚାର କରିବା ପରେ, ନାରଙ୍ଗୀ ବଛା ଯାଇଥିଲା । ବୈଷୟିକ ଆବଶ୍ୟକତା ପୂରଣ କରିବା ସହିତ, ନାରଙ୍ଗୀ ଆମ ଜାତୀୟ ପତାକାର ତିନୋଟି ରଙ୍ଗ ମଧ୍ୟରୁ ଗୋଟିଏ, ଯାହା ସାହସ, ତ୍ୟାଗ ଏବଂ ଜାତୀୟ ଗର୍ବର ପ୍ରତୀକ ।”
#WATCH| Bhubaneswar, Odisha: On Hockey India changed national team jerseys from blue to saffron, Hockey India President Dilip Kumar Tirkey says, “The World Cup for both men and women is set to begin on August 15th in the Netherlands and Belgium. Ahead of this, Team India’s…pic.twitter.com/1ym2HXSvVp
— ANI (@ANI)July 30, 2026
“ଜର୍ସିର ରଙ୍ଗ ପରିବର୍ତ୍ତନ କିଛି ନୂଆ ନୁହେଁ”
ହକି ଇଣ୍ଡିଆ ମଧ୍ୟ ସ୍ପଷ୍ଟ କରିଛି ଯେ ଜାତୀୟ ଦଳର ଜର୍ସିର ପରିବର୍ତ୍ତନ କୌଣସି ବଡ଼ ନିଷ୍ପତ୍ତି ନୁହେଁ । ସେମାନେ କହିଛନ୍ତି ଯେ ଭାରତୀୟ ଦଳର ଜର୍ସିର ରଙ୍ଗ ସମୟ ସମୟରେ ବୈଷୟିକ ଆବଶ୍ୟକତା ଏବଂ ଅନ୍ୟାନ୍ୟ ଆବଶ୍ୟକତାକୁ ଧ୍ୟାନରେ ରଖି ପରିବର୍ତ୍ତନ କରାଯାଇଛି । ହକି ଇଣ୍ଡିଆ ମଧ୍ୟ ପୂର୍ବ ଉଦାହରଣଗୁଡ଼ିକ ମଧ୍ୟ ସାମନାରେ ରଖିଛି । ହକି ଇଣ୍ଡିଆ କହିଛି, ୨୦୧୪ ଏଫଆଇଏଚ୍ ହକି ବିଶ୍ୱକପ୍ ସମୟରେ, ଭାରତୀୟ ଦଳର ଜର୍ସି ରଙ୍ଗ ହଳଦିଆ ଥିଲା । ୨୦୧୮ ହକି ବିଶ୍ୱକପ୍ ସମୟରେ, ଦଳ ସମ୍ପୂର୍ଣ୍ଣ ନୂତନ ଡିଜାଇନ୍ ସହିତ ଏକ ଆକାଶ ନୀଳ ଜର୍ସି ପିନ୍ଧିଥିଲା । ହକି ଇଣ୍ଡିଆ ଅନୁଯାୟୀ, ନୂତନ ଜର୍ସି କେବଳ ରଙ୍ଗ ପରିବର୍ତ୍ତନ ନୁହେଁ, ବରଂ ଭାରତୀୟ ସଂସ୍କୃତିକୁ ମଧ୍ୟ ପ୍ରତିଫଳିତ କରେ ।
