চৰকাৰী আঁচনিসমূহ কেতিয়াৰ পৰা আৰম্ভ হ’ব ? বাজেটত ৰাজ্যৰ হিতাধিকাৰীসকলৈ কেইবাটাও গুৰুত্বপূৰ্ণ ঘোষণা কৰে বিত্ত মন্ত্ৰীগৰাকীয়ে-
শুকুৰবাৰে অসম বিধানসভাত দাখিল কৰা হ’ল ২০২৬-২৭ বৰ্ষৰ পূৰ্ণাংগ বাজেট । মুখ্যমন্ত্ৰী ড° হিমন্ত বিশ্ব শৰ্মাৰ নেতৃত্বধীন দ্বিতীয়টো কাৰ্যকালৰ এইখন প্ৰথমখন বাজেট । বিধানসভাত এই বাজেট উত্থাপন কৰে ৰাজ্যৰ বিত্তমন্ত্ৰী জয়ন্ত মল্লবৰুৱাই । এই বাজেটত ৰাজ্যৰ হিতাধিকাৰীসকলৈ কেইবাটাও গুৰুত্বপূৰ্ণ ঘোষণা কৰে বিত্ত মন্ত্ৰীগৰাকীয়ে ।
বাজেট ভাষণত আগষ্ট মাহৰ ৰাজ্যত পুনৰ অৰুণোদয় আঁচনিৰ ধন বিতৰণ কৰা হ’ব বুলি উল্লেখ কৰে মন্ত্ৰীগৰাকীয়ে । যোগ্য হিতাধিকাৰীসকলে এই আঁচনিৰ অধীনত লাভ কৰিব ধন । অযোগ্যসকল এই আঁচনিৰ পৰা বাদ পৰিব । ৰাজ্যৰ ৪০ লাখ পৰিয়ালৰ কাষলৈ কাষলৈ গৈছে অৰুণোদয় আঁচনি । অৰুণোদয়ৰ সৈতে অব্যাহত থাকিব বৃদ্ধ পেন্সন আৰু বিধৱা পেন্সন ।
ইফালে আগষ্ট মাহৰ পৰা ৰেচন কাৰ্ডৰ হিতাধিকাৰীয়ে ৰেহাই মূল্যত ৰেচন লাভ কৰিব বুলি বিত্ত মন্ত্ৰীগৰাকীয়ে উল্লেখ কৰে ।
ইফালে অক্টোবৰ মাহৰ পৰা আৰম্ভ হ’ব নিযুত মইনা আঁচনি । আগষ্ট মাহৰ পৰা আবেদন প্ৰক্ৰিয়া আৰম্ভ হ’ব । আগষ্ট মাহৰ পৰা পুনৰ আৰম্ভ হ’ব উদাসীন ভকতক আৰ্থিক সাহাৰ্য প্ৰদান কৰা আঁচনি । আনহাতে ২৫ ডিচেম্বৰত মিছন বসুন্ধৰা ৪.০ৰ শুভাৰম্ভ হ’ব ।
লগতে পঢ়ক : আকৌ ২ লাখ চৰকাৰী চাকৰি! বাজেটত বিত্ত মন্ত্ৰীৰ ডাঙৰ ঘোষণা
