কমনৱেলথ গেমছ ২০২৬ আৰম্ভ হোৱাৰ পূর্বেই ভাৰতবাসীৰ বাবে এটা ভাল খবৰ আহিছে৷ গ্লাছগ’ কমনৱেলথত পদক নিশ্চিত কৰিলে লাভলীনা বৰগোহাঁইয়ে।
কমনৱেলথ গেমছ ২০২৬ৰ আয়োজন এইবাৰ স্কটলেণ্ডৰ গ্লাছগো চহৰত অনুষ্ঠিত হৈ আছে, য’ত ২৩ জুলাইত হ’বলগীয়া মুকলি অনুষ্ঠানৰ (Opening Ceremony) পূৰ্বেই ভাৰতৰ বাবে এটা ভাল খবৰ আহি পৰিছে। মহিলাৰ বক্সিং ৭৫ কেজি বিভাগত লাভলিনা বৰগোহাঁইৰ পদক জয় নিশ্চিত হৈ পৰিছে, য’ত তেওঁ অন্ততঃ ব্ৰঞ্জৰ পদক নিজৰ নামত কৰাত সফল হ’ব। আচলতে মহিলাৰ ৭৫ কেজি বিভাগত কেৱল ৫ গৰাকী মহিলা বক্সাৰ আছিল, য’ৰ পৰা শীৰ্ষ-৩ গৰাকীয়ে পোনপটীয়াকৈ ছেমিফাইনেলত প্ৰৱেশ লাভ কৰে আৰু ইয়াৰে এটা নাম লাভলিনা বৰগোহাঁইৰো অন্তর্ভুক্ত। সেয়েহে তেওঁৰ অন্ততঃ ব্ৰঞ্জৰ পদক সুনিশ্চিত হৈ পৰিছে।
অলিম্পিকতো পদক লাভ কৰা ভাৰতীয় তাৰকা মহিলা বক্সাৰ লাভলিনা বৰগোহাঁইৰ কমনৱেল্থ গেমছ ২০২৬ৰ ছেমিফাইনেলত এইবাৰ টুভালুৰ ‘টাফাকী’ৰ সৈতে মুখামুখি হ’ব। মহিলাৰ ৭৫ কেজি বিভাগৰ এই ছেমিফাইনেল মেচখন ৩১ জুলাইত অনুষ্ঠিত হ’ব, য’ত সকলোৱে লভলিনা ফাইনেলত প্ৰৱেশ কৰাৰ আশা কৰিছে।
এইবাৰৰ কমনৱেল্থ গেমছত কেৱল ১০ টা খেলৰ প্ৰতিযোগিতাহে আয়োজন কৰা হৈছে আৰু সেইবাবে পদকৰ সংখ্যাও হ্ৰাস পাইছে। ভাৰতীয় দলটোৰ বাবে পদকৰ সংখ্যা বৃদ্ধি কৰাটো এটা ডাঙৰ প্ৰত্যাহ্বান হ’ব। কমনৱেল্থ গেমছ ২০২৬ৰ বাবে ভাৰতৰ পৰা ১২৫ গৰাকী এথলীটৰ এটা দল গৈছে, যিয়ে বিভিন্ন খেলত অংশগ্ৰহণ কৰিব। ২৩ জুলাইত মুকলি অনুষ্ঠানৰ পূৰ্বে দুখন ‘লন বলছ’ (Lawn Balls) মেচেৰে ভাৰতৰ অভিযান আৰম্ভ হ’ব। ভাৰতীয় দলে আঠটা এনে খেলত অংশগ্ৰহণ কৰিব যিবোৰ সাধাৰণ এথলীটসকলৰ বাবে — ইয়াৰ ভিতৰত এথলেটিকছ, বক্সিং, ভাৰোত্তোলন, জুডো, আৰ্টিষ্টিক জিমনাষ্টিকছ, ট্ৰেক চাইক্লিং, বলছ আৰু সাঁতোৰ অন্তর্ভুক্ত।
লভলিনা বৰগোহাঁইৰ পদক নিশ্চিত হোৱাৰ লগে লগে এতিয়া সকলোৰে দৃষ্টি তাৰকা ভাৰতীয় জেভলিন থ্ৰ’ এথলীট নীৰজ চোপ্ৰাৰ উপৰিও ভাৰোত্তোলনত চমক দেখুওৱা মীৰাবাই চানুৰ ওপৰত থাকিব, যাৰ পৰা সোণৰ পদক জিকাৰ আশা কৰা হৈছে। যোৱাবাৰ বাৰ্মিংহামত অনুষ্ঠিত কমনৱেল্থ গেমছত ভাৰতে মুঠ ৬১ টা পদক লাভ কৰিছিল, য’ত ২২ টা সোণৰ পদক অন্তৰ্ভুক্ত আছিল।
লগতে পঢ়ক: আই চি চি ৰেংকিত ভাৰতীয়ৰ বেটাৰৰ ৰাজত্ব: শুভমন গীলৰ চমকপ্ৰদ উত্থান!
