କୋଭିଡ୍ ମହାମାରୀର କରିଥିଲେ ସଠିକ୍ ଭବିଷ୍ୟବାଣୀ, ୨୦୨୬ ଜୁଲାଇକୁ ନେଇ ସେହି ଜ୍ୟୋତିଷଙ୍କ ଗଣନାରେ ଦୁନିଆ କାବା
ନୂଆଦିଲ୍ଲୀ: କରୋନା ମହାମାରୀ ଏମିତି ଏକ ଘଟଣାକ୍ରମ ଥିଲା, ଯାହା ବର୍ତ୍ତମାନର ପିଢ଼ି ପୂର୍ବରୁ କେବେ ଦେଖି ନଥିଲେ । ସମଗ୍ର ବିଶ୍ୱରେ ହାହାକାର ସ୍ଥିତି ହୋଇଥିଲା । ଜୀବନଯାତ୍ରା ଠପ୍ ହୋଇଯାଇଥିଲା । ସୁବିଧା ସୁଯୋଗର ସୁଲଭତା ଏବଂ ଜୀବନର ଅନ୍ୟାନ୍ୟ କଠୋର ବାସ୍ତବତା କ୍ଷେତ୍ରରେ ପୂର୍ବରୁ ଥିବା ପ୍ରଭେଦକୁ ଆହୁରି ବଢ଼ାଇ ଦେଇଥିଲା।
ବାସ୍ତବରେ ମନେହେଉଥିଲା ଯେ ମହାମାରୀ ହଠାତ୍ କେଉଁଠୁ ଚାଲିଆସିଲା । କିନ୍ତୁ ଯେଉଁମାନେ ରହସ୍ୟମୟ ଜ୍ୟୋତିଷ ଦୁନିଆ ସହ ଜଡ଼ିତ, ସେମାନଙ୍କ ପାଇଁ ସମାନ ଧରଣର ପୂର୍ବାନୁମାନର ଏକ ବଡ଼ ପ୍ରମାଣ ଥିଲା । ଏହି ବିଶ୍ୱବ୍ୟାପୀ ମହାମାରୀକୁ ନେଇ ପୂର୍ବରୁ ଭବିଷ୍ୟବାଣୀ କରିଥିବା କିଛି ଚର୍ଚ୍ଚିତ ନାଁ ହେଉଛନ୍ତି – ବୈଦିକ ଜ୍ୟୋତିଷ ଅଭିଜ୍ଞ ଆନନ୍ଦ, ଅଷ୍ଟ୍ରେଲିଆର ଜ୍ୟୋତିଷ ଜେସିକା ଆଡାମସ ଏବଂ ବ୍ରିଟିଶ ଭବିଷ୍ୟବକ୍ତା କ୍ରେଗ୍ ହାମିଲଟନ୍-ପାର୍କର । ଏହି ସ୍ୱତନ୍ତ୍ର ତାଲିକାରେ ଫ୍ରାନ୍ସର ପ୍ରସିଦ୍ଧ ସ୍ୱର୍ଗତ ଜ୍ୟୋତିଷ ଆନ୍ଦ୍ରେ ବାର୍ବୋଲ୍ଟ ମଧ୍ୟ ସାମିଲ ଅଛନ୍ତି ।
ବୈଶ୍ୱିକ ପୂର୍ବାନୁମାନ କ୍ଷେତ୍ରରେ ବାର୍ବୋଲ୍ଟଙ୍କ ଅନେକ ଚମତ୍କାର ସଠିକତା ଦେଖିବାକୁ ମିଳିଥିଲା । ମହାମାରୀ ବ୍ୟତୀତ ସେ ସୋଭିଏତ୍ ୟୁନିଅନର ପତନ ଏବଂ ୨୦୦୮ର ଆର୍ଥିକ ସଙ୍କଟ ବିଷୟରେ ମଧ୍ୟ ପୂର୍ବାନୁମାନ କରିଥିଲେ । ୨୦୧୯ ମସିହାରେ ତାଙ୍କର ଦେହାନ୍ତ ହୋଇଥିଲା, ତେଣୁ ସେ ନିଜର ମହାମାରୀ ପୂର୍ବାନୁମାନକୁ ବାସ୍ତବ ହେବାରେ ଦେଖିପାରି ନଥିଲେ । ତଥାପି, ୨୦୧୬ରେ ପ୍ରକାଶିତ ତାଙ୍କର ପୁସ୍ତକ ‘Planetary Cycles Mundane Astrology’ ରେ ଜୁଲାଇ ୨୦୨୬ ପାଇଁ ଏକ ରୋମାଞ୍ଚକର ଭବିଷ୍ୟବାଣୀ କରି ଯାଇଛନ୍ତି । ।
ଏକ ମାନବୀୟ ପରିବର୍ତ୍ତନ ପାଇଁ ପ୍ରସ୍ତୁତ ହେଉଛୁ ?
ବାର୍ବୋଲ୍ଟଙ୍କ ଅନୁଯାୟୀ, ଏହାର ସିଧାସଳଖ ଉତ୍ତର ହେଉଛି ‘ହଁ’ । ଆଗକୁ ଯାହା ଅଛି, ତାହା ହେଉଛି ଏକ ସାଂସ୍କୃତିକ ପରିବର୍ତ୍ତନ । ବିଶ୍ୱରେ ବର୍ତ୍ତମାନ ଯେଉଁଭଳି ଭାବେ ସମ୍ପୂର୍ଣ୍ଣ ଭାଙ୍ଗିରୁଜି ଯାଇଥିବା ଏବଂ ବିଶୃଙ୍ଖଳିତ ସ୍ଥିତି ଦେଖାଦେଇଛି, ତାହାକୁ ଦେଖିଲେ ଆମେ କୌଣସି ଏକ ବଡ଼ ଜିନିଷର ପ୍ରାକ୍କାଳ (ଆରମ୍ଭ/ଅତୀତ)ରେ ଅଛୁ ବୋଲି ବିଶ୍ୱାସ କରିବା ଖୁବ୍ ସହଜ । ଏହା ଏକ ସାମୂହିକ ସଫଳତା ହୋଇପାରେ କିମ୍ବା ବ୍ୟବସ୍ଥାର ସମ୍ପୂର୍ଣ୍ଣ ପତନ ହୋଇପାରେ । ତଥାପି, ଜ୍ୟୋତିଷ ଶାସ୍ତ୍ର ଅନୁସାରେ, ପ୍ରଥମେ ବିଶୃଙ୍ଖଳା ଆସେ ଏବଂ ତା’ ପରେ ସଂସ୍କାର ଆସିଥାଏ । ବାର୍ବୋଲ୍ଟଙ୍କର ଏହି ସମୟର ଆକଳନକୁ ଆହୁରି ସତ ପ୍ରମାଣିତ କରୁଛି ‘ବାର୍ବୋଲ୍ଟ ବାସ୍କେଟ୍’ ।
‘ବାର୍ବୋଲ୍ଟ ବାସ୍କେଟ୍’ କଣ ?
‘ବାର୍ବୋଲ୍ଟ ବାସ୍କେଟ୍’ ହେଉଛି ଜୁଲାଇ ୨୦୨୬ ମଧ୍ୟରେ ସୃଷ୍ଟି ହେବାକୁ ଥିବା ଏକ ବିରଳ ଗ୍ରହ ସ୍ଥିତି ଯେଉଁଠାରେ ଏକାଧିକ ଗ୍ରହ ପରସ୍ପର ସହ ସେକ୍ସଟାଇଲ୍ ଏବଂ ଟ୍ରାଇନ୍ ସ୍ଥିତିରେ ରହିବେ । ସହଜ ଭାଷାରେ କହିଲେ ଏହା ଏକ ମହାଜାଗତିକ ଜ୍ୟାମିତି । ଏହା ଜୁଲାଇ ୧୯ରୁ ଜୁଲାଇ ୨୧ ମଧ୍ୟରେ ଘଟିବାକୁ ଯାଉଛି । ଯେତେବେଳେ ବୃହସ୍ପତି, ୟୁରେନସ, ନେପଚ୍ୟୁନ ଏବଂ ପ୍ଲୁଟୋ ସମସ୍ତେ ନିଜ ନିଜ ରାଶିରେ ସମାନ ଡିଗ୍ରୀରେ ଅବସ୍ଥାନ କରିବେ । ସିଂହ ରାଶିରେ ଥିବା ବୃହସ୍ପତି, କୁମ୍ଭ ରାଶିରେ ଥିବା ପ୍ଲୁଟୋର ବିପରୀତ ଦିଗରେ ରହି ଏକ ‘କ୍ରେଡଲ୍’ କିମ୍ବା ‘ବାସ୍କେଟ୍’ (ଝୁଡ଼ି) ସଦୃଶ ସ୍ଥିତି ସୃଷ୍ଟି କରିବେ । ଏହା ମେଷ ରାଶିରେ ଥିବା ନେପଚ୍ୟୁନ ଏବଂ ମିଥୁନ ରାଶିରେ ଥିବା ୟୁରେନସ ସହିତ ଏକ ଶୁଭ ସମ୍ପର୍କ ରହିବ । ବାର୍ବୋଲ୍ଟଙ୍କ ପୂର୍ବାନୁମାନ ଅନୁଯାୟୀ, ନିର୍ଦ୍ଧାରିତ ସମୟ ମଧ୍ୟରେ ଏହି ସମସ୍ତ ସଂଯୋଗର ମିଳିତ ପ୍ରଭାବ ଏକ ବଡ଼ ସାଂସ୍କୃତିକ ପରିବର୍ତ୍ତନକୁ କ୍ରିୟାନ୍ୱିତ କରିବ ପାଇଁ ଯଥେଷ୍ଟ ଶକ୍ତିଶାଳୀ ଉର୍ଜ୍ଜା ସୃଷ୍ଟି କରିବାର ସାମର୍ଥ୍ୟ ରଖେ ।
ଏହି ସବୁ ଜିନିଷ ଜଣଙ୍କ ପାଇଁ ପ୍ରଥମେ ଅତ୍ୟଧିକ ମନେହୋଇପାରେ । କିନ୍ତୁ ଯେଉଁମାନେ ବିଶ୍ୱାସ କରନ୍ତି ନାହିଁ ସେମାନେ ମଧ୍ୟ ଏହି କଥାରେ ସହମତ ହେବେ ଯେ ପରିସ୍ଥିତି ସମ୍ପୂର୍ଣ୍ଣ ବଦଳିଯିବା ପାଇଁ ମାତ୍ର ଏକ ସେକେଣ୍ଡର ସମୟ ଲାଗିଥାଏ। କିଛି ଜଣାପଡ଼ିବ ପୂର୍ବରୁ ହିଁ ଅନେକ ଜିନିଷ ହୁଏତ ଗତିଶୀଳ ଥାଇପାରେ ।
(ସୂଚନା: ଏହି ଆର୍ଟିକିଲ୍ଟି ଜନସାଧାରଣଙ୍କ ବିଶ୍ୱାସ ଉପରେ ଆଧାରିତ । ଏଠାରେ ପ୍ରଦାନ କରାଯାଇଥିବା ସୂଚନା ଏବଂ ତଥ୍ୟର ସଠିକତା ପାଇଁ ପ୍ରମେୟ ନ୍ୟୁଜ୍ 7 ଦାୟୀ ନୁହେଁ।)
