ନୂଆଦିଲ୍ଲୀ ୨୬।୦୮; ଆମେରିକୀୟ ସଂଗୀତ ଜଗତରୁ ଏକ ଅତ୍ୟନ୍ତ ଦୁଃଖଦ ଖବର ସାମ୍ନାକୁ ଆସିଛି । ସଙ୍ଗୀତ ଦୁନିଆର ମହାନ ପ୍ରତୀକ ତଥା ବିଶ୍ୱବିଖ୍ୟାତ ଗାୟିକା ଏବଂ ଅଭିନେତ୍ରୀ ଡଲି ପାର୍ଟନଙ୍କ ଦେହାନ୍ତ ହୋଇଛି । ୮୦ ବର୍ଷ ବୟସରେ ସେ ଏହି ଦୁନିଆକୁ ଚିରଦିନ ପାଇଁ ବିଦାୟ ଦେଇଛନ୍ତି। ନାଶଭିଲରେ ଶେଷ ନିଶ୍ୱାସ ତ୍ୟାଗ କରିଥିବା ଏହି ଦିଗ୍ଗଜ କଳାକାରଙ୍କ ମୃତ୍ୟୁରେ ସମଗ୍ର ସଙ୍ଗୀତ ଜଗତରେ ଶୋକର ଛାୟା ଖେଳିଯାଇଛି।
ଡଲି ପାର୍ଟନଙ୍କ ପୁତୁରା ବ୍ରାୟନ ସିଭର ଏକ ଭିଡିଓ ବାର୍ତ୍ତା ମାଧ୍ୟମରେ ପ୍ରଶଂସକଙ୍କୁ ଏହି ଦୁଃଖଦ ସୂଚନା ଦେଇଛନ୍ତି। ସେ କହିଛନ୍ତି ବହୁତ ଦୁଃଖର ସହିତ ମୁଁ ଆପଣଙ୍କୁ ଜଣାଇବାକୁ ଚାହୁଁଛି ଯେ ଆମର ପ୍ରିୟ ଡଲି ପାର୍ଟନ, ଯିଏ ଦଶନ୍ଧି ଧରି ଆମକୁ ଗର୍ବିତ କରିଥିଲେ, ତାଙ୍କ ଦେହାନ୍ତ ହୋଇଛି। ସେ ନାଶଭିଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ଡଲି ପାର୍ଟନ ଦୀର୍ଘ ସମୟ ଧରି କର୍କଟ ରୋଗ ଭଳି ମାରାତ୍ମକ ରୋଗ ସହ ଲଢ଼ୁଥିଲେ। ଏହା ସହିତ ବାର୍ଦ୍ଧକ୍ୟଜନିତ ବିଭିନ୍ନ ଜଟିଳତା ମଧ୍ୟ ତାଙ୍କ ସ୍ୱାସ୍ଥ୍ୟକୁ ପ୍ରଭାବିତ କରିଥିଲା।
ଆମେରିକା ରାଷ୍ଟ୍ରପତିଙ୍କ ବଡ ଘୋଷଣା
ପ୍ରାୟ ଛଅ ଦଶନ୍ଧି ଧରି ଆମେରିକୀୟ ସଂଗୀତ ଜଗତରେ ଏକ ସ୍ଥାନ ସୃଷ୍ଟି କରିଥିବା ଡଲି ପାର୍ଟନଙ୍କ ଦେହାନ୍ତ ତାଙ୍କ ପ୍ରଶଂସକ ଏବଂ ସମଗ୍ର ଶିଳ୍ପକୁ ଶୋକରେ ପକାଇଛି। ଆମେରିକୀୟ ସଙ୍ଗୀତ ଶିଳ୍ପର ପ୍ରବୀଣ ବ୍ୟକ୍ତିମାନେ, ଯେପରିକି ମାଇଲି ସାଇରସ୍, ଡାୟୋନ୍ ୱାରୱିକ୍, କେସି ମୁସଗ୍ରେଭ୍ସ, ଜେନ୍ ଫଣ୍ଡା ଏବଂ ଭିନ୍ସ ଗିଲ୍, ସେମାନଙ୍କ ଶୋକ ପ୍ରକାଶ କରିଛନ୍ତି। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ତାଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି। ସେ ଡଲି ପାର୍ଟନଙ୍କ ସମ୍ମାନାର୍ଥେ ଏକ ବିଶେଷ ଘୋଷଣା କରିଛନ୍ତି ଯେ ତାଙ୍କ ସ୍ମୃତିରେ ଗୋଟେ ସପ୍ତାହ ପାଇଁ ଆମେରିକୀୟ ପତାକା ଅଧା ନମିତ ରହିବ।
ଡଲି ପାର୍ଟନଙ୍କ ପରି କେହି ନାହାନ୍ତି…
ସେ ଲେଖିଛନ୍ତି, “ଡଲି ପାର୍ଟନଙ୍କ ମୃତ୍ୟୁ ଘୋଷଣା କରି ମୁଁ ଗଭୀର ଦୁଃଖ ଅନୁଭବ କରୁଛି। ସେ ସର୍ବକାଳୀନ ମହାନ ଦେଶୀୟ ଗାୟିକାମାନଙ୍କ ମଧ୍ୟରୁ ଜଣେ ଥିଲେ। ଏହା ଲକ୍ଷ ଲକ୍ଷ ଲୋକଙ୍କ ପାଇଁ ଏକ ଗଭୀର କ୍ଷତି। ତାଙ୍କ ପରି କେହି କେବେ ହୋଇ ନାହାଁନ୍ତି ଏବଂ କେବେ ହେବେ । ତାଙ୍କ ସମ୍ମାନାର୍ଥେ, ମୁଁ ଆଜି ସନ୍ଧ୍ୟା ୬ଟାରୁ ଆରମ୍ଭ କରି ଏକ ସପ୍ତାହ ପାଇଁ ଆମେରିକାର ସମସ୍ତ ସ୍ଥାନରେ ଆମେରିକୀୟ ପତାକାକୁ ଅଧା ନମିତ କରୁଛି। ଡଲି, ତୁମର ଆତ୍ମା ଶାନ୍ତିରେ ରହୁ। ବିଶ୍ୱ ତୁମକୁ ଭଲପାଏ।”
