ଆସ୍କା ୨୬।୭: ଘର ଭିତରକୁ ମାଡ଼ିଗଲା ବାଲି ବୋଝେଇ ହାଇୱା । ଭାଙ୍ଗିଲା ଘର, ଅଳ୍ପକେ ବର୍ତ୍ତିଗଲେ ପରିବାର ଲୋକେ I ଗଞ୍ଜାମ ଜିଲ୍ଲା ଧରାକୋଟ ବ୍ଲକ ଆର୍. ଦାମୋଦର ପଲ୍ଲୀରେ ଘଟିଛି ଏଭଳି ଦୁର୍ଘଟଣା I ଏହି ଦୁର୍ଘଟଣାରେ ଡ୍ରାଇଭର ଗୁରୁତର ହୋଇଛନ୍ତି । ଦୁର୍ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ କରୁଛି ।
ଗଞ୍ଜାମ ଜିଲ୍ଲା ସୋରଡାର ଏକ ବାଲିଘାଟରୁ ବାଲି ବୋଝେଇ ହୋଇ ବ୍ରହ୍ମପୁର ଅଭିମୁଖେ ଯାଉଥିଲା । ହଠାତ୍ ବାଲି ବୋଝେଇ ହାଇୱା ଭାରସ୍ୟାମ ହରାଇ ଘର ଭିତରକୁ ପଶି ଯାଇଥିଲା l ଘରଟି ସମ୍ପୂର୍ଣ୍ଣ ଭାଙ୍ଗିଯାଇଥିବା ବେଳେ ପରିବାର ଲୋକ ଅଳ୍ପକେ ବର୍ତ୍ତି ଯାଇଛନ୍ତି । ହାଇଓ୍ବା ଡ୍ରାଇଭର ଗୁରୁତର ହୋଇଛନ୍ତି ।
Also Read:- ବଙ୍ଗୋପସାଗରରେ ସୃଷ୍ଟି ହେଲା ସ୍ପଷ୍ଟଚିହ୍ନିତ ଲଘୁଚାପ କ୍ଷେତ୍ର, ପ୍ରଭାବରେ ବଢ଼ିପାରେ ବର୍ଷାର ପରିମାଣ
ତେବେ ଅବାଧରେ ବାଲି ଚୋରା ଚାଲାଣ ହେଉଥିବା ବେଳେ ଅନେକ ସମୟରେ ଏମିତି ଦୁର୍ଘଟଣା ଘଟୁଥିବା ଅଭିଯୋଗ ହୋଇଛି । ଏହାକୁ ରୋକିବା ଦିଗରେ ପ୍ରଶାସନ କାମ କରୁ ବୋଲି ସ୍ଥାନୀୟ ଲୋକ ଦାବି କରିଛନ୍ତି ।
