ৰাজ্যখনৰ এই বৃহৎ সফলতাৰ কথা সামাজিক মাধ্যমৰ জৰিয়তে সদৰী কৰিছে মুখ্যমন্ত্ৰী হিমন্ত বিশ্ব শৰ্মাই
অসমে শেহতীয়াকৈ নিটি আয়োগৰ ‘বিনিয়োগ অনুকূলতা সূচকাংক’ (Investment Friendliness Index)-ত এক অগ্ৰণী ৰাজ্য হিচাপে আত্মপ্ৰকাশ কৰিছে । ৰাজ্যখনৰ এই বৃহৎ সফলতাৰ কথা সামাজিক মাধ্যম ‘এক্স’ (X)-ৰ জৰিয়তে সদৰী কৰিছে মুখ্যমন্ত্ৰী ড° হিমন্ত বিশ্ব শৰ্মাই । ইয়াৰ লগতে মুখ্যমন্ত্ৰীগৰাকীয়ে দেশ তথা বিদেশৰ উদ্যোগপতি আৰু বিনিয়োগকাৰীসকলক অসমৰ নতুন সম্ভাৱনাসমূহ অন্বেষণ কৰিবলৈ আনুষ্ঠানিকভাৱে আমন্ত্ৰণ জনাইছে ।
মুখ্যমন্ত্ৰী শৰ্মাৰ মতে, ৰাজ্যখনৰ সুস্থিৰ তথা উদ্যোগ-অনুকূল নীতি, উন্নত আইন-শৃংখলা পৰিস্থিতি আৰু শক্তিশালী আন্তঃগাঁথনিৰ বাবেই এই সফলতা সম্ভৱ হৈ উঠিছে । উল্লেখ্য যে, পাহাৰীয়া আৰু উত্তৰ-পূবৰ ৰাজ্যসমূহৰ ভিতৰত অসমক দ্বিতীয় সৰ্বশ্ৰেষ্ঠ বিনিয়োগৰ স্থান হিচাপে স্বীকৃতি দিয়া হৈছে ।
চৰকাৰী পৰ্যায়ৰ অনুকূল প্ৰতিষ্ঠানিক পৰিৱেশ, কম সুতৰ বোজা, নূন্যতম শ্ৰমিক বিক্ষোভ, উন্নত যোগাযোগ ব্যৱস্থা আৰু শিক্ষা খণ্ডত ধাৰাবাহিক বিনিয়োগে ৰাজ্যখনত এক উপযুক্ত বাণিজ্যিক পৰিৱেশতন্ত্ৰ গঢ়ি তুলিছে বুলি মুখ্যমন্ত্ৰীয়ে মন্তব্য কৰে । তেওঁ লগতে কয় যে অসমৰ অৰ্থনৈতিক বিকাশ অধিক ক্ষিপ্ৰ কৰিবলৈ আৰু ব্যাপক নিয়োগৰ সুযোগ সৃষ্টি কৰাৰ উদ্দেশ্যে অধিক ঘৰুৱা আৰু গোলকীয় বিনিয়োগ আকৰ্ষণ কৰিবলৈ চৰকাৰ সদায় প্ৰতিশ্ৰুতিবদ্ধ ।
লগতে পঢ়ক : “আকাশেই নহয়, গভীৰ মহাকাশহে সীমা”; ‘স্কাইৰুট এৰ’স্পেচ’ক প্ৰশংসা মুখ্যমন্ত্ৰীৰ
