ପୁରୀ ୨୨।୭: ଜନ୍ମବେଦୀରୁ ରତ୍ନବେଦୀକୁ ବାହୁଡ଼ିବେ କାଳିଆ ସାଆନ୍ତ । ବାହୁଡ଼ା ଯାତ୍ରା ପାଇଁ ଆରମ୍ଭ ହୋଇଯାଇଛି ପ୍ରସ୍ତୁତି । ହେରାପଞ୍ଚମୀରେ ଅଭିମାନିନୀ ମା’ ମହାଲକ୍ଷ୍ମୀ ନନ୍ଦିଘୋଷ ରଥର କାଠ ଭାଙ୍ଗିବା ପରେ ୩ ରଥକୁ ଦକ୍ଷିଣମୋଡ଼ କରାଯାଇଛି ।
ଏହି ପରିପ୍ରେକ୍ଷୀରେ ମଙ୍ଗଳବାର ଦେବୀ ସୁଭଦ୍ରାଙ୍କ ଦେବଦଳନ ରଥକୁ ଦକ୍ଷିଣ ମୋଡ଼ କରାଯାଇ ଗୁଣ୍ଡିଚା ମନ୍ଦିର ନାକଚଣା ଦ୍ବାର ସମ୍ମୁଖରେ ରଖାଯାଇଥିଲା। ପ୍ରବଳ ବର୍ଷା କାରଣରୁ ତାଳଧ୍ବଜ ଓ ନନ୍ଦିଘୋଷ ରଥର ଦକ୍ଷିଣ ମୋଡ଼ ହୋଇପାରି ନଥିଲା । ବୁଧବାର ସକାଳୁ ତାଳଧ୍ବଜ ରଥର ଦକ୍ଷିଣ ମୋଡ଼ ହୋଇଛି । ପରେ ମହାପ୍ରଭୁଙ୍କ ନନ୍ଦିଘୋଷ ରଥକୁ ଦକ୍ଷିଣ ମୋଡ଼ କରାଯାଇ ନାକଚଣା ଦ୍ବାର ନିକଟକୁ ନିଆଯାଇଛି । ତିନି ରଥର ଦକ୍ଷିଣ ମୋଡ଼ ଶେଷ ହେବା ପରେ ଏହାର ଯାଞ୍ଚ କରାଯିବ । ତେବେ ଲଗାଣ ବର୍ଷା ଯୋଗୁ ଶରଧାବାଲିରେ ୩ ରଥ ପାଣି ଘେରରେ ରହିଛି । ତିନି ରଥକୁ ବ୍ୟାରିକେଡିଂ ସହ କଡ଼ା ସୁରକ୍ଷା ବଳୟ ମଧ୍ୟରେ ରଖାଯାଇଛି ।
Also Read:- ସପିଂ ମଲ୍ରେ ଲାଗିଛି ଭୟଙ୍କର ନିଆଁ, ପୂରା ଅଞ୍ଚଳ ଧୂଆଁ ଧୂଆଁ
ସେପଟେ ଆସନ୍ତା ୨୪ ତାରିଖ ଅର୍ଥାତ୍ ଶୁକ୍ରବାର ଦିନ ମହାପ୍ରଭୁ ଶ୍ରୀଜଗନ୍ନାଥଙ୍କ ବାହୁଡ଼ା ଯାତ୍ରା ଅନୁଷ୍ଠିତ ହେବ । ସେଥିପାଇଁ ପ୍ରକ୍ରିୟା ଆରମ୍ଭ ହୋଇଗଲାଣି । ପରଂବ୍ରହ୍ମଙ୍କ ଫେରିବା ବାଟକୁ ଉତ୍କଣ୍ଠାର ସହ ଅପେକ୍ଷା କରିଛନ୍ତି ଭକ୍ତ ।
