অৰুণাচল প্ৰদেশৰ ভূমিস্খলনত অসমৰ এজন যুৱকৰ মৃত্যু। পাহাৰৰ শিল খহি মৃত্যু যুৱকজনৰ। মৃত যুৱকজন বকোৰ ৰূপম ৰাভা। বকো বনগাঁও বুঢ়ীগাঁৱৰ বাসিন্দা ৰাভা।
অৰুণাচল প্ৰদেশত হোৱা ভূমিস্খলনৰ ফলত এক শোৱাৱহ ঘটনা সংঘটিত হৈছে। অৰুণাচল প্ৰদেশৰ আঞ্জাও জিলাত সংঘটিত ভূমিস্খলনৰ ফলত মৃত্যু হ’ল অসমৰ এজন যুৱকৰ মৃত্যু হৈছে। মৃত যুৱকজন বকোৰ ৰূপম ৰাভা বুলি জানিব পৰা গৈছে। বকো বনগাঁও বুঢ়ীগাঁৱৰ বাসিন্দা ৰূপম ৰাভা। প্ৰেনচন প্ৰ মোটৰ’চ নামৰ কোম্পানী এটাত কৰ্মৰত আছিল যুৱকজন। ফকলেনৰ চালক হিচাপে কৰ্মৰত আছিল ৰূপম।
জানিব পৰা মতে,দেওবাৰে (২৮ জুন) নিশা প্ৰায় ৮:৩০ বজাত এই ঘটনাটো সংঘটিত হয়। ৰূপম ৰাভাই কাম কৰি থকা অৱস্থাতে হঠাৎ ভূমিস্খলন হৈ ধ্বংসাৱশেষৰ তলত পোত খাই যায় আৰু তেওঁৰ থিতাতে মৃত্যু হয়।ৰূপম ৰাভাৰ অকাল মৃত্যুৱে সমগ্ৰ অঞ্চলজুৰি শোকৰ ছাঁ পেলাইছে। জানিব পৰা মতে পত্নী আৰু চাৰি বছৰীয়া পুত্ৰক এৰি থৈ গৈছে ৰূপম ৰাভাই।
লগতে পঢ়ক: অৰুণাচলত প্ৰলয়ংকাৰী বান; অসম চৰকাৰৰ হাই এলাৰ্ট জাৰি
