Ratha Yatra 2026: ଦଶମୂଳ ମହୌଷଧି ଲାଗି ପରେ ମହାପ୍ରଭୁ ସୁସ୍ଥ, ଶ୍ରୀମନ୍ଦିରରେ ଆଜି ରାଜପ୍ରସାଦ ବିଜେ ନୀତି
ପୁରୀ ୧୨।୦୭ : ରାଜବୈଦ୍ୟଙ୍କ ଦଶମୂଳ ଔଷଧ ଲାଗି ପରେ ସୁସ୍ଥ ହୋଇଛନ୍ତି ମହାପ୍ରଭୁ । ଆଜି ମହାରାଜାଙ୍କୁ ମହାପ୍ରଭୁ ସୁସ୍ଥ ହୋଇଥିବା ଖବର ଦେବେ ସେବାୟତ । ଆଜି ରାଜପ୍ରାସାଦ ବିଜେ ନୀତି । ଦ୍ଵାଦଶୀ ତିଥି ଅବସରରେ ଏହି ନୀତି ସମାପନ କରିବେ ଦଇତାପତି ସେବାୟତ ।
ଚଳିତ ବର୍ଷ ଦ୍ୱାଦଶୀ କ୍ଷୟ ରହିଛି । ଏଣୁ ତ୍ରୟୋଦଶୀ ତିଥି ରବିବାର ଶ୍ରୀମନ୍ଦିରରେ ରାଜପ୍ରସାଦ ବିଜେ ନୀତି ଅନୁଷ୍ଠିତ ହେବ । ଅଣସର ପରମ୍ପରା ମୁତାବକ ଏହି ଅବସରରେ ଠାକୁରେ ସୁସ୍ଥ ହୋଇଥିବା ଖବର ଶ୍ରୀନଅରରେ ପହଞ୍ଚିବ । ଘଣ୍ଟ, ଛତା ଓ କାହାଳିର ପଟୁଆରରେ ସେବକ ମାନେ ଯାତ୍ରା କରିବେ । ଆନୁଷ୍ଠାନିକ ଭାବେ ପତିମହାପାତ୍ର ଓ ଦଇତାପତି ସେବାୟତଙ୍କ ସହ ଦେଉଳ କରଣ ଶ୍ରୀନହରକୁ ଯାଇ ଗଜପତି ମହାରାଜାଙ୍କୁ ଏହା ଜଣାଇବେ । ଏହାକୁ ରାଜପ୍ରସାଦ ବିଜେ ନୀତି କୁହାଯାଏ । ଏଥିପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ସ୍ୱତନ୍ତ୍ର ନୀତି ନିର୍ଘଣ୍ଟ ଧାର୍ଯ୍ୟ କରାଯାଇଛି । ଶ୍ରୀମନ୍ଦିର ପ୍ରଶାସନର ଧାର୍ଯ୍ୟ ନୀତି ସମୟ ଅନୁସାରେ ପୂର୍ବାହ୍ଣ ସାଢ଼େ ୧୦ଟାରେ ରାଜପ୍ରସାଦ ବିଜେ ନୀତି ରହିଛି । ଏଥିସହ ଘଣାଲାଗି ନୀତି ମଧ୍ୟ ରହିଥିବା ସୂଚନା ରହିଛି । ବିଳମ୍ବିତ ରାତିରେ ଠାକୁରଙ୍କ ଘଣା ଲାଗି ନୀତି ହେବ ।
Also Read:-ରାସ୍ତାରେ ଚାଲୁଥିଲା ଉତ୍ସବ, ମନଇଚ୍ଛା ଗୁଳିମାଡ଼ କଲେ ଦୁର୍ବୃତ୍ତ…୨ ମୃତ
