CJP Protest Guwahati: CJPৰ সৰ্বভাৰতীয় আহ্বায়ক আশুতোষ ৰাংকাসহ বহু সদস্যক আটক

CJP Protest Guwahati: CJPৰ সহ-আহ্বায়ক আশুতোষ ৰাংকাসহ কেইবাজনো সদস্যক অসম আৰক্ষীয়ে আটক কৰাৰ অভিযোগ

ককৰোচ জনতা পাৰ্টি (CJP)-ৰ সহ-আহ্বায়ক তথা মুখপাত্ৰ আশুতোষ ৰংকা আৰু দলটোৰ কেইবাগৰাকীও স্বেচ্ছাসেৱকক দেওবাৰে, ২৭ ছেপ্টেম্বৰত গুৱাহাটীত অসম আৰক্ষীয়ে আটক কৰে (CJP Protest Guwahati)।

CJP-য়ে অভিযোগ কৰা অনুসৰি, ৰংকাৰ লগতে দলটোৰ নেতৃত্বৰ আন সদস্য আৰু অসমভিত্তিক স্বেচ্ছাসেৱকসকল চহৰখনত অনুষ্ঠিত হ’বলগীয়া এখন নিৰ্ধাৰিত স্বেচ্ছাসেৱক সভালৈ যোৱাৰ পথত আটক কৰা হয়। সংগঠনটোৱে দাবী কৰে যে প্ৰায় ৫০ জন লোকক আটক কৰা হৈছে যদিও এই সংখ্যা নিশ্চিত কৰিব পৰা হোৱা নাই (CJP Ashutosh Ranka detained)।

CJP-য়ে জনোৱা অনুসৰি, আটক কৰাসকলৰ ভিতৰত অংকিত ভৰদ্বাজ, প্ৰেম আকাশ আৰু দলটোৰ আন সদস্যসকলো আছে। সংগঠনটোৱে অভিযোগ কৰে যে আটক কৰা লোকসকলক গুৱাহাটীৰ এটা আৰক্ষী কেন্দ্ৰলৈ লৈ যোৱা হৈছে (CJP volunteers detained Guwahati)।

সংগঠনটোৱে লগতে অভিযোগ কৰে যে সভাস্থলীলৈ যোৱা পথটো দুয়োফালৰ পৰা বেৰিকেড লগাই বন্ধ কৰি দিয়া হৈছিল আৰু অঞ্চলটোত বৃহৎ সংখ্যক আৰক্ষী মোতায়েন কৰা হৈছিল।

CJP-ৰ প্ৰতিষ্ঠাপক অভিজিৎ দীপকে X-ত এই আটক সন্দৰ্ভত পোষ্ট কৰি দাবী কৰে যে ঘটনাস্থলীত উপস্থিত হোৱা অধিবক্তাসকলক ৰংকা আৰু আন আটকাধীন লোকসকলক সাক্ষাৎ কৰিবলৈ অনুমতি দিয়া হোৱা নাছিল।

অৱশ্যে, আটক কৰাৰ কাৰণ সন্দৰ্ভত আৰক্ষীয়ে এতিয়ালৈকে ৰাজহুৱাভাৱে কোনো বক্তব্য প্ৰকাশ কৰা নাই।

লগতে পঢ়ক: Gauhati University Student Death: আছিক আলী কাণ্ডক লৈ ৰাজপথ অৱৰোধ শ শ লোকৰ