Nagaon Lok Sabha by election: আজমলৰ মন্তব্যক লৈ ক্ষুব্ধ দেৱাশীষ শৰ্মা, নগাঁও সদৰ থানাত এজাহাৰ।
নগাঁও লোকসভা উপ-নিৰ্বাচনৰ প্ৰচাৰ তীব্ৰতৰ হৈ উঠাৰ মাজতে বিজেপি প্ৰাৰ্থী দেৱাশীষ শৰ্মাই AIUDFৰ মুৰব্বী তথা প্ৰাৰ্থী বদৰুদ্দিন আজমলৰ বিৰুদ্ধে নগাঁও সদৰ থানাত এজাহাৰ দাখিল কৰিছে। নিৰ্বাচনী প্ৰচাৰৰ সময়ত আজমলে তেওঁৰ বিৰুদ্ধে মিছা আৰু মানহানিকৰ মন্তব্য কৰাৰ অভিযোগ তুলি এই এজাহাৰ দাখিল কৰিছে বিজেপি প্ৰাৰ্থীগৰাকীয়ে (Nagaon Lok Sabha by election)।
বিজেপি দেৱাশীষ শৰ্মাৰ অভিযোগ অনুসৰি, এখন নিৰ্বাচনী সভাত ভাষণ দি আজমলে তেওঁৰ বিৰুদ্ধে গুৰুতৰ অভিযোগ উত্থাপন কৰিছিল। আজমলে মমতাজ বেগমৰ মৃত্যুৰ বাবে তেওঁক দায়ী কৰাৰ লগতে তেওঁক ‘হত্যাকাৰী’ বুলিও অভিহিত কৰা বুলি অভিযোগ কৰিছে শৰ্মাই (Debashish Sharma FIR Badruddin Ajmal)।
শনিবাৰে এজাহাৰ দাখিল কৰাৰ পাছত দেৱাশীষ শৰ্মাই আজমলৰ এই অভিযোগ অস্বীকাৰ কৰে। এনে মন্তব্যই ভোটাৰৰ মাজত তেওঁৰ ভাবমূৰ্তি ক্ষতিগ্ৰস্ত কৰিব পাৰে বুলিও তেওঁ কয়।
দেৱাশীষ শৰ্মাই কয়, “বদৰুদ্দিন আজমলৰ বিৰুদ্ধে এজাহাৰ দিছোঁ। তেওঁ মোক হত্যাকাৰী বুলি কৈছে। তেওঁ উচ্ছেদৰ কথা কয়। কিন্তু সেই সময়ত আদালতৰ নিৰ্দেশ আছিল। এজন বিষয়াই আদালতৰ নিৰ্দেশ পালন কৰিবই লাগিব, নহ’লে গ্ৰেপ্তাৰ হ’ব পাৰে। তেতিয়া মন্ত্ৰীসকলে কি কৰিছিল? এতিয়া নিৰ্বাচন আহিছে বাবেই এই বিষয়টো উত্থাপন কৰা হৈছে। কিয় এতিয়া এইবোৰ কৰা হৈছে?”
লগতে পঢ়ক: Nagaon Lok Sabha by-election: ‘নিমাতি কইনা’ শিৱামণি বৰাঃ মুখ্যমন্ত্ৰীৰ তীব্ৰ কটাক্ষ
আজমলে নিৰ্বাচনী প্ৰচাৰত বিদ্যালয় আৰু স্বাস্থ্যসেৱাৰ উন্নয়নৰ প্ৰতিশ্ৰুতি দিয়াক লৈও বিজেপি প্ৰাৰ্থীগৰাকীয়ে প্ৰশ্ন কৰে। তেওঁ কয়, “বিদ্যালয় আৰু স্বাস্থ্যসেৱা উন্নত কৰাৰ কথা কৈছে। কিন্তু এই কামৰ বাবে টকা ক’ৰ পৰা আহিব? নিজৰ পকেটৰ পৰা দিব নেকি? কেৱল ভোটৰ বাবেই এইবোৰ কথা কৈছে। কোন জেললৈ যাব, সেয়া মই চাই ল’ম। আমি বিষয়টো উচ্চতম ন্যায়ালয়লৈ লৈ যাম। তেওঁ আইনো উলংঘা কৰিছে। আইনৰ সহায়ত তেওঁৰ বিৰুদ্ধে ব্যৱস্থা লোৱা হ’ব।”
মমতাজ বেগমক লৈ সৃষ্টি হোৱা বিতৰ্কৰ কথাও উল্লেখ কৰি নিৰ্বাচনী প্ৰচাৰত এই বিষয়টো ইচ্ছাকৃতভাৱে উত্থাপন কৰা হৈছে বুলিও দেৱাশীষ শৰ্মাই অভিযোগ কৰে।
লগতে পঢ়ক: Nagaon Lok Sabha by-election: নগাঁও লোকসভা উপ-নিৰ্বাচনত বিজেপিৰ জয়ক লৈ আত্মবিশ্বাসী মুখ্যমন্ত্ৰী
