Tirumala: ୧୧୬ ବର୍ଷ ବୟସରେ ବି ଅତୁଟ ଆସ୍ଥା, ୩୫୫୦ ପାହାଚ ଚଢ଼ି ଭେଙ୍କଟେଶ୍ୱର ସ୍ୱାମୀଙ୍କ ଦର୍ଶନ କଲେ ବୃଦ୍ଧା
ତିରୁପତି: ମଣିଷ ଭିତରେ ଯଦି ଅତୁଟ ଆସ୍ଥା ଥାଏ, ତେବେ ତାରା ଧୈର୍ଯ୍ୟ କେବେ ଭାଙ୍ଗେ ନାହିଁ । ବିଶ୍ୱାସ ଓ ଶ୍ରଦ୍ଧା ମଣିଷକୁ ଏମିତି ଶକ୍ତି ଦେଇଥାଏ, ଯାହାଦ୍ୱାରା ସେ କଠିନରୁ କଠିନ ରାସ୍ତାକୁ ମଧ୍ୟ ସହଜରେ ପାର୍ କରିଯାଏ । ସୋସିଆଲ ମିଡିଆରେ କର୍ଣ୍ଣାଟକର ୧୧୬ ବର୍ଷୀୟା ଜଣେ ବୃଦ୍ଧା ‘ଲକ୍ଷ୍ମମ୍ମା’ଙ୍କର ଏମିତି ଏକ ଭିଡିଓ ଭାଇରାଲ୍ ହେଉଛି । ସେ ତିରୁମାଲାର ଆଲିପିରି ମାର୍ଗରେ ୩୫୫୦ଟି ପାହାଚ ଚଢ଼ି ଭଗବାନ ଭେଙ୍କଟେଶ୍ୱର ସ୍ୱାମୀଙ୍କ ଦର୍ଶନ କରୁଥିବା ଦେଖିବାକୁ ମିଳୁଛି ।
ଭିଡିଓରେ ଜଣେ ବୃଦ୍ଧା ମହିଳା ହାତରେ ବାଡ଼ିଟିଏ ଧରି ଧୀରେ ଧୀରେ ପାହାଚ ଚଢ଼ୁଛନ୍ତି । ମହିଳାଙ୍କ ସହ ତାଙ୍କ ପରିବାରର ଜଣେ ସଦସ୍ୟ ମଧ୍ୟ ଅଛନ୍ତି, ଯିଏ ତାଙ୍କୁ ସହାରା ଦେଇ ସାଙ୍ଗରେ ଚାଲୁଛନ୍ତି । ସାଧାରଣତଃ ୭୦-୮୦ ବର୍ଷ ବୟସ ପରେ ଲୋକଙ୍କର ଆଣ୍ଠୁ ବିନ୍ଧା ଏବଂ କ୍ଲାନ୍ତି ଭଳି ସମସ୍ୟା ଦେଖାଦେଇଥାଏ । ଏଭଳି ପରିସ୍ଥିତିରେ ୧୧୬ ବର୍ଷ ବୟସରେ କୌଣସି ବଡ଼ ସାହାଯ୍ୟ ବିନା ଏତେ ଲମ୍ବା ଏବଂ କଷ୍ଟକର ମାର୍ଗ ଚଢ଼ିବା ସତରେ ଆଶ୍ଚର୍ଯ୍ୟଜନକ ।
Amazing!
A 116-year-old woman from #Karnataka walked to #Tirumala via Alipiri steps,proving that age is only for the body—not for faith.Her unwavering #devotion has inspired thousands.
She Deserves a VIP Darshan for her extraordinary devotion.@naralokesh Garu,pls look this pic.twitter.com/Qiaj2ShNaL
— Temple Connects (@Temple_Connects) July 4, 2026
ଭିଡିଓର ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ଏହି ବୃଦ୍ଧା ଜଣକ ସାରା ରାସ୍ତା ‘ଗୋବିନ୍ଦା-ଗୋବିନ୍ଦା’ ନାମ ଜପ କରି କରି ଏହି ଯାତ୍ରା ସମ୍ପୂର୍ଣ୍ଣ କରିଛନ୍ତି । ସେ ନିଜ ପାଖପାଖରେ ଥିବା ଲୋକ ଏବଂ ଭକ୍ତମାନଙ୍କ ଗହଣରେ ଧୀରେ ଧୀରେ କିନ୍ତୁ ମଜଭୁତ ପାଦରେ ଆଗକୁ ବଢ଼ୁଥିଲେ । ତାଙ୍କର ଏହି ସାହସ ଓ ଭକ୍ତି ସେଠାରେ ଉପସ୍ଥିତ ଥିବା ଅନ୍ୟ ଶ୍ରଦ୍ଧାଳୁମାନଙ୍କ ପାଇଁ ପ୍ରେରଣା ସାଜିଛି ।
ଏହି ଭିଡିଓକୁ ଏକ୍ସରେ ସେୟାର କରାଯାଇଛି । କ୍ୟାପ୍ସନରେ ଲେଖା ଅଛି, “ବୟସ କେବଳ ଶରୀର ପାଇଁ ରଖେ, ଭକ୍ତି ପାଇଁ ନୁହେଁ ।” ଉଲ୍ଲେଖଯୋଗ୍ୟ, ତିରୁମାଲାର ପାହାଡ଼ ପର୍ଯ୍ୟନ୍ତ ପହଞ୍ଚୁଥିବା ଆଲିପିରି ମାର୍ଗ ଶ୍ରଦ୍ଧାଳୁଙ୍କ ଆସ୍ଥାର ଏକ ପ୍ରମୁଖ କେନ୍ଦ୍ର । ଏହା ଏକ କଠିନ ରାସ୍ତା । ଏଥିରେ ହଜାର ହଜାର ପାହାଚ ଚଢ଼ିବା ପରେ ଯାଇ ଭଗବାନ ଭେଙ୍କଟେଶ୍ୱର ସ୍ୱାମୀଙ୍କ ଦର୍ଶନ ମିଳିଥାଏ ।
ବୃଦ୍ଧାଙ୍କ ଭିଡିଓ ଭାଇରାଲ୍ ହେବା ପରେ ସୋସିଆଲ ମିଡିଆ ୟୁଜର ଅନେକ ପ୍ରତିକ୍ରିୟା ରଖୁଛନ୍ତି । ଜଣେ ବ୍ୟକ୍ତି ଲେଖିଛନ୍ତି, “ଏହା ସତରେ ଏକ ଅଦ୍ଭୁତ ଦୃଶ୍ୟ ଏବଂ ବୟସ କେବଳ ଏକ ସଂଖ୍ୟା ମାତ୍ର । ପ୍ରକୃତ ଶକ୍ତି ମନ ଏବଂ ବିଶ୍ୱାସରେ ଥାଏ ।” ଅନ୍ୟ ଜଣେ ଲେଖିଛନ୍ତି, “ଆଜିର ଯୁଗରେ ଯେତେବେଳେ ଯୁବପିଢ଼ି ଅଳ୍ପ ବାଟ ଚାଲିଲେ ଥକିଯାଉଛନ୍ତି, ସେଠାରେ ଏହି ବୟସରେ ଏତେ ଲମ୍ବା ଚଢ଼ିବା ସତରେ ପ୍ରେରଣାଦାୟୀ।”
