ନୂଆଦିଲ୍ଲୀ: ମହାକାଶ କ୍ଷେତ୍ରରେ ଭାରତ ଆଉ ଏକ ଐତିହାସିକ ସଫଳତା ହାସଲ କରିଛି । ଦେଶର ପ୍ରଥମ ଘରୋଇ ଅର୍ବିଟଲ୍ ରକେଟ୍ ବିକ୍ରମ-୧ ସଫଳତାର ସହ କକ୍ଷପଥରେ ପହଞ୍ଚି ଇତିହାସ ସୃଷ୍ଟି କରିଛି । ଏହି ସଫଳତା ପରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍କାଏରୁଟ୍ ଏରୋସ୍ପେସର ପୂରା ଟିମକୁ ଅଭିନନ୍ଦନ ଜଣାଇବା ଏବଂ ବୈଜ୍ଞାନିକମାନଙ୍କୁ ଉତ୍ସାହିତ କରିଥିଲେ ।
ପ୍ରଧାନମନ୍ତ୍ରୀ ମୋଦୀ କହିଛନ୍ତି, “ସ୍କାଏରୁଟର ପୂରା ଟିମକୁ ଅନେକ ଅଭିନନ୍ଦନ । ତୁମେ ନିର୍ଦ୍ଧାରିତ ସମୟ ପୂର୍ବରୁ ତୁମର ଲକ୍ଷ୍ୟ ହାସଲ କରିବ ।” ମିଶନର ସଫଳତା ପରେ, ସ୍କାଏରୁଟର ପ୍ରତିଷ୍ଠାତାମାନେ ପ୍ରଧାନମନ୍ତ୍ରୀଙ୍କ ସହ କଥା ହୋଇଥିଲେ । ଏହି ସଫଳତାକୁ ଭାରତର ଘରୋଇ ମହାକାଶ କ୍ଷେତ୍ର ପାଇଁ ଏକ ପ୍ରମୁଖ ପଦକ୍ଷେପ ଭାବରେ ଅଭିହିତ କରିଥିଲେ ।
ମିଶନ ଆଗମନ ନାଁରେ ଉତକ୍ଷେପଣ କରାଯାଇଥିବା ବିକ୍ରମ-୧, ସମସ୍ତ ଚାରୋଟି ପର୍ଯ୍ୟାୟ ସଫଳତାର ସହ ସମ୍ପାଦନ କରିଛି । ପ୍ରାୟ ୪୫୦ କିଲୋମିଟର ଉଚ୍ଚତାରେ ନିମ୍ନ-ପୃଥିବୀ କକ୍ଷପଥ (LEO)ରେ ଏହାର ପେଲୋଡ୍ ସଫଳତାର ସହ ସ୍ଥାପନ କରିଛି । ଏହା ଭାରତର ପ୍ରଥମ ଘରୋଇ ଭାବରେ ବିକଶିତ ଅର୍ବିଟଲ୍-କ୍ଲାସ୍ ରକେଟ ଯାହା ପ୍ରଥମ ପ୍ରୟାସରେ ଉତକ୍ଷେପଣ ଠାରୁ ଉପଗ୍ରହ ସ୍ଥାପନ ପର୍ଯ୍ୟନ୍ତ ସମସ୍ତ ପର୍ଯ୍ୟାୟ ସଫଳତାର ସହ ସମାପ୍ତ କରିଛି ।
ଏହି ମିଶନ ଆଉ ଏକ ବିଶେଷ ମୁହୂର୍ତ୍ତକୁ ଲିପିବଦ୍ଧ କରିଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ହାତଲେଖା “ବନ୍ଦେ ମାତରମ୍” ମଧ୍ୟ କକ୍ଷପଥକୁ ପଠାଯାଇଥିଲା । ଏହି ମିଶନକୁ ଭାରତର ବୈଜ୍ଞାନିକ ସଫଳତା ଏବଂ ଜାତୀୟ ଗର୍ବର ପ୍ରତୀକ ଭାବରେ ବିବେଚନା କରାଯାଏ ।
Spoke to the team of Skyroot Aerospace and congratulated them on the successful launch of Vikram-1.This is a defining moment in India’s space journey. The growing participation of our private sector is opening new frontiers and accelerating innovation.This achievement will…pic.twitter.com/epWjOY8yKa
— Narendra Modi (@narendramodi)July 18, 2026
ଶ୍ରୀହରିକୋଟାର ସତୀଶ ଧାୱନ ସ୍ପେସ୍ ସେଣ୍ଟରରୁ ବିକ୍ରମ-୧ ଉତକ୍ଷେପଣ କରାଯାଇଥିଲା । ଏହି ସଫଳତା ସହିତ, ଭାରତ ସେହି ସବୁ ଦେଶଙ୍କ ସାମିଲ ହୋଇଛି ଯେଉଁଠାରେ ଘରୋଇ କମ୍ପାନିଗୁଡ଼ିକ ସଫଳତାର ସହ ନିଜର କକ୍ଷପଥ ରକେଟ ବିକଶିତ ଏବଂ ଉତକ୍ଷେପଣ କରିଛନ୍ତି । ରିପୋର୍ଟ ଅନୁସାରେ, ଭାରତ ଏବେ ବିଶ୍ୱର ତୃତୀୟ ଦେଶ ପାଲଟିଛି ଯେଉଁଠାରେ ଘରୋଇ କକ୍ଷପଥ ପ୍ରକ୍ଷେପଣ କ୍ଷମତା ହାସଲ କରିଛି ।
