ୱାସିଂଟନ: ଆମେରିକା ସିନେଟ୍ ର ରିପବ୍ଲିକାନ ସଦସ୍ୟମାନେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ମନୋନୀତ ମେନହାଟନସ୍ଥିତ ଆମେରିକୀୟ ଆଟର୍ଣ୍ଣି ଜେ କ୍ଲେଟନଙ୍କୁ ଦେଶର ଶୀର୍ଷ ଗୁଇନ୍ଦା ନିଯୁକ୍ତି ପୁଷ୍ଟି କରିଛନ୍ତି। ତେବେ ଏହି ନିଯୁକ୍ତିକୁ ଡେମୋକ୍ରାଟମାନେ ବିରୋଧ କରିଥିଲେ। କ୍ଲେଟନ ଏବେ ସେହି ପଦବୀକୁ ପୁରଣ କରିବେ ଯାହା ଜୁନରେ ତୁଲସୀ ଗବାର୍ଡଙ୍କ ଇସ୍ତଫାରେ ଖାଲି ହୋଇଥିଲା। କ୍ଲେଟନଙ୍କୁ ଜାତୀୟ ଗୁଇନ୍ଦା ନିର୍ଦ୍ଦେଶକ ପଦବୀ ନିମନ୍ତେ ୫୧ରୁ ୪୭ଟି ଭୋଟରେ ମଞ୍ଜୁରୀ ମିଳିଛି। ଏହି ପଦବୀରେ ଜେ କ୍ଲେଟନ ଆମେରିକାର ୧୮ଟି ଗୁଇନ୍ଦା ଏଜେନ୍ସୀର ଦେଖରେଖ କରିବେ।
କ୍ଲେଟନଙ୍କ ନିଯୁକ୍ତି ନିମନ୍ତେ ଭୋଟ ଦଳୀୟ ଆଧାରରେ ହୋଇଥିଲା। ଏଥିରେ ଟ୍ରମ୍ପଙ୍କ ରିପବ୍ଲିକାନ ସଦସ୍ୟ ଟ୍ରମ୍ପଙ୍କ ମନୋନୀତ ବ୍ୟକ୍ତିଙ୍କ ସମର୍ଥନ କରିଥିଲେ। ତେବେ ଡେମୋକ୍ରାଟିକ୍ କାକସ ସଦସ୍ୟମାନେ ବିରୋଧରେ ମତଦାନ କରିଛନ୍ତି। ଗବାର୍ଡ ଓ ନିର୍ବାଚନ ସମ୍ପର୍କିତ ଦାବି ମଧ୍ୟରେ ବିବାଦ ସେତେବେଳେ ଗୁରୁତର ରୂପ ଧାରଣ କରିଥିଲା ଯେତେବେଳେ କ୍ଲେଟନ ତାଙ୍କ ମଞ୍ଜୁରୀକୁ ନେଇ ହୋଇଥିବା ଶୁଣାଣିରେ ବାରମ୍ବାର ଏହା ସ୍ୱୀକାର କରିବାକୁ ମନା କରିଦେଇଥିଲେ ଯେ ଟ୍ରମ୍ପ ୨୦୨୦ ନିର୍ବାଚନରେ ଡେମୋକ୍ରାଟ ବାଇଡେନଙ୍କ ଠୁ ପରାସ୍ତ ହୋଇଥିଲେ।
ପାଖାପାଖି ୩ ମାସ ପରେ ଆମେରିକା ମଧ୍ୟାବଧି ନିର୍ବାଚନ। ଏଥିରୁ ଏହା ନିର୍ଦ୍ଧାରିତ ହେବ କଂଗ୍ରେସ ଉପରେ କେଉଁ ପାର୍ଟିର ନିୟନ୍ତ୍ରଣ ରହିବ। ତେବେ ଟ୍ରମ୍ପ ନିର୍ବାଚନ ସୁରକ୍ଷାକୁ ଏକ କେନ୍ଦ୍ରୀୟ ପ୍ରସଙ୍ଗ କରିବାକୁ ଉଦ୍ୟମ ଆରମ୍ଭ କରିଛନ୍ତି। ଏହା ସତ୍ତ୍ୱେ ପ୍ରମାଣିତ ହୋଇଛି ଯେ ଏଠାରେ ଭୋଟର କୌଣସି ପ୍ରକାରର ଠକେଇ କରିବାର ସମ୍ଭାବନା ବିଲକୁଲ ହିଁ ନାହିଁ।
