Voice of Eastern India

କଂଗ୍ରେସ ମଞ୍ଚରୁ ଇଟାଲୀ ନେତାଙ୍କ ‘ଭୋଟ୍ ଚୋର’ ମନ୍ତବ୍ୟ, FRROରେ ଅଭିଯୋଗ କଲା ବିଜେପି


ନୂଆଦିଲ୍ଲୀ: କଂଗ୍ରେସ ଦ୍ୱାରା ଆୟୋଜିତ ଭାରତ ସମିଟରେ ବିଦେଶୀ ନେତାଙ୍କ ଦ୍ୱାରା ଦିଆଯାଇଥିବା ରାଜନୈତିକ ବୟାନକୁ ନେଇ ରାଜନୀତି ଜୋର ଧରିଛି । ଏବେ ଏହି ମାମଲାରେ ବିଜେପି ହାଇଦ୍ରାବାଦ ସ୍ଥିତ ଫରେନର୍ ରିଜିଓନାଲ୍ ରେଜିଷ୍ଟ୍ରେସନ ଅଫିସ୍ (ଏଫଆରଆରଓ)ରେ ଅଭିଯୋଗ ଦାଖଲ କରିଛି । ବିଜେପିର ଅଭିଯୋଗ ଅନୁଯାୟୀ, ବିଦେଶୀ ରାଜନୈତିକ ପ୍ରତିନିଧିମାନେ ଭାରତର ଆଭ୍ୟନ୍ତରୀଣ ରାଜନୈତିକ ପ୍ରସଙ୍ଗରେ ମନ୍ତବ୍ୟ ଦେଇ ଦେଶର ଆଭ୍ୟନ୍ତରୀଣ ବ୍ୟାପାରରେ ହସ୍ତକ୍ଷେପ କରିଛନ୍ତି ।

ତେଲଙ୍ଗାନା ବିଜେପି ସଭାପତି ଏନ୍.ରାମଚନ୍ଦର ରାଓ ଶାମଶାବାଦ ସ୍ଥିତ ଏଫଆରଆରଓ କାର୍ଯ୍ୟାଳୟରେ ଏହି ଅଭିଯୋଗ ଦାଖଲ କରିଛନ୍ତି । ଇଟାଲୀୟ ରାଜନେତା ଜିଆକୋମୋ ଫିଲିବେକଙ୍କ ମନ୍ତବ୍ୟକୁ ସେ ଉତ୍ତେଜନାମୂଳକ ବୋଲି ଦର୍ଶାଇଛନ୍ତି ।

 

ପାର୍ଟି ଅଫ୍ ୟୁରୋପିଆନ୍ ସୋସିଆଲିଷ୍ଟସର ସାଧାରଣ ସମ୍ପାଦକ ଜିଆକୋମୋ ଫିଲିବେକ୍ ନଭେମ୍ବର ୧୪ରେ କଂଗ୍ରେସ ଦ୍ୱାରା ଆୟୋଜିତ ସମ୍ମିଳନୀରେ ଯୋଗଦେଇଥିଲେ । ଏହି କାର୍ଯ୍ୟକ୍ରମରେ ସେ ଭାରତରେ ଗଣତନ୍ତ୍ର ବିପଦରେ ଥିବା କହିବା ସହ କଂଗ୍ରେସ ଓ ରାହୁଲ ଗାନ୍ଧୀଙ୍କ ସମର୍ଥନରେ ଅନ୍ତର୍ଜାତୀୟ ସମର୍ଥନ ଲୋଡ଼ିଥିଲେ । ଏପରି କି ସେ ନିଜ ଭାଷଣରେ କଂଗ୍ରେସ ଏବଂ ବିରୋଧୀ ଦେଉଥିବା ନାରା ‘ଭୋଟ୍ ଚୋର, ଗଦ୍ଦି ଛୋଡ଼’ ସ୍ଲୋଗାନ ମଧ୍ୟ ଦେଇଥିଲେ ।

ଫିଲିବେକଙ୍କ ଏହି ମନ୍ତବ୍ୟକୁ ନେଇ ବିଜେପି ରାହୁଲ ଗାନ୍ଧୀଙ୍କୁ ମଧ୍ୟ ସମାଲୋଚନା କରିଛି । ତେଲଙ୍ଗାନା ବିଜେପି ସଭାପତି ଅଭିଯୋଗ କରିଛନ୍ତି ଯେ, ଫିଲିବେକଙ୍କ ମନ୍ତବ୍ୟ ସମୟରେ ରାହୁଲ ଗାନ୍ଧୀ ତାଳି ମାରି ସମର୍ଥନ ଜଣାଇଥିଲେ । ବିଜେପିର କହିବା ଅନୁଯାୟୀ, ଅନ୍ୟ ଦେଶର ରାଜନୈତିକ ପ୍ରତିନିଧିମାନେ ଭାରତର ଆଭ୍ୟନ୍ତରୀଣ ରାଜନୀତିରେ ହସ୍ତକ୍ଷେପ କରିବା ଉଚିତ୍ ନୁହେଁ । ଫିଲିବେକଙ୍କ ମନ୍ତବ୍ୟକୁ ନେଇ ଇଟାଲୀରେ ମଧ୍ୟ ସମାଲୋଚନା ହୋଇଛି । ଇଟାଲୀୟ ସାଂସଦ ଡେବୋରା ବର୍ଗାମିନି ତାଙ୍କ ମନ୍ତବ୍ୟକୁ ନନ୍ଦା କରିଛନ୍ତି ।

Source link



Source link

Leave A Reply

Your email address will not be published.