ଉକ୍ରେନ (0୨/୭) : ଯୁଦ୍ଧ ପ୍ରଭାବିତ ଦେଶ ଉକ୍ରେନରୁ ଏକ ଅଦ୍ଭୁତ ଏବଂ ଅସାଧାରଣ ଦୃଶ୍ୟ ସାମ୍ନାକୁ ଆସିଛି। ସେଠାରେ ପକ୍ଷୀମାନେ ଗଛ ଡାଳ ପତ୍ରରୁ ନୁହେଁ ବରଂ ଅଦ୍ଭୁତ ଭାବରେ ଡ୍ରୋନ୍ କେବଲ୍ ବ୍ୟବହାର କରି ନିଜର ବସା ବନାଉଛନ୍ତି | ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ସ୍ଥାନୀୟ ଲୋକଙ୍କ କହିବା ଅନୁସାରେ, ଡ୍ରୋନ୍ ଯୁଦ୍ଧ ଓ ସେନା ଅପରେସନ୍ରେ ବ୍ୟବହୃତ କେବଲ୍ ଓ ତାରଗୁଡ଼ିକ ଭୂମିରେ ଛିଣ୍ଡି ପଡ଼ି ରହିଛି। ପକ୍ଷୀମାନେ ସେହି କେବଲ୍ ଓ ତାରଗୁଡ଼ିକୁ ନିଜ ବସା ତିଆରି କରିବା ପାଇଁ ବ୍ୟବହାର କରୁଛନ୍ତି । ପ୍ରାକୃତିକ ସାମଗ୍ରୀ ସହିତ ଏହି ମାନବ-ସୃଷ୍ଟ ବସ୍ତୁ ମିଶି ପକ୍ଷୀ ବସାର ଏକ ନୂଆ ରୂପ ତିଆରି ହେଉଛି। ଡାଳି ଓ ଘାସରେ ସମ୍ପୂର୍ଣ୍ଣ ଭାବେ ବୁଣାଯିବା ପରିବର୍ତ୍ତେ, ଏହି ବସାଗୁଡ଼ିକରେ ସେନା ଡ୍ରୋନକୁ ନିୟନ୍ତ୍ରଣ କରିବା ପାଇଁ ବ୍ୟବହୃତ ଫାଇବର୍-ଅପ୍ଟିକ୍ କେବଲ୍ ରହିଛି, ଯାହା ଏହାକୁ ସ୍ପଷ୍ଟ କରୁଛି ଯେ ଚାରି ବର୍ଷର ସଂଘର୍ଷ କେବଳ ଯୁଦ୍ଧଭୂମିକୁ ନୁହେଁ, ବରଂ ଚାରିପାଖର ପରିବେଶକୁ ମଧ୍ୟ କିପରି ପରିବର୍ତ୍ତନ କରିଦେଇଛି।
କିଭର ଗବେଷକମାନେ କହିଛନ୍ତି ଯେ ଉକ୍ରେନ ସେନାମାନେ ସୀମାର ନିକଟବର୍ତ୍ତୀ ଅଞ୍ଚଳରୁ ଏହି ଘୋସାଗୁଡ଼ିକ ଉଦ୍ଧାର କରିଛନ୍ତି। ଯେଉଁଥିରେ ପକ୍ଷୀମାନେ ଫାଇବର୍-ଅପ୍ଟିକ୍ ଡ୍ରୋନ୍ କେବଲ୍ଗୁଡ଼ିକୁ ନିଜ ଘୋସା ତିଆରି କରିବାର ସାମଗ୍ରୀ ଭାବେ ବ୍ୟବହାର କରିଛନ୍ତି। ସମୟ ସହିତ ପକ୍ଷୀମାନେ ସେହି କେବଲ୍ ଓ ତାରଗୁଡ଼ିକୁ ନିଜ ବସା ତିଆରି କରିବା ପାଇଁ ବ୍ୟବହାର କରୁଛନ୍ତି। ପ୍ରାକୃତିକ ସାମଗ୍ରୀ ସହିତ ଏହି ମାନବ-ସୃଷ୍ଟ ବସ୍ତୁ ମିଶି ପକ୍ଷୀ ବସାର ଏକ ନୂଆ ରୂପ ତିଆରି ହେଉଛି। ପରିବେଶ ବିଶେଷଜ୍ଞମାନେ କହୁଛନ୍ତି ଯେ, ଯୁଦ୍ଧ ଓ ମାନବୀୟ କାର୍ଯ୍ୟକଳାପ ପରିବେଶ ଉପରେ ଗଭୀର ପ୍ରଭାବ ପକାଉଛି। ପକ୍ଷୀମାନଙ୍କ ଏଭଳି ଆଚରଣ ଦେଖାଉଛି ଯେ ସେମାନେ ମଧ୍ୟ ପରିବର୍ତ୍ତିତ ପରିବେଶ ସହ ଖାପ ଖୁଆଇବାକୁ ଚେଷ୍ଟା କରୁଛନ୍ତି।
୨୦୨୨ ଫେବ୍ରୁଆରୀରେ ରୁଷିଆ ଦ୍ୱାରା ଉକ୍ରେନ୍ ଉପରେ କରାଯାଇଥିବା ଆକ୍ରମଣ ପରେ, ଡ୍ରୋନ୍ ସବୁଠାରୁ ଗୁରୁତ୍ୱପୂର୍ଣ୍ଣ ଅସ୍ତ୍ରମାନଙ୍କ ମଧ୍ୟରୁ ଗୋଟିଏ ହୋଇଯାଇଛି। ଇଲେକ୍ଟ୍ରୋନିକ୍ ଜ୍ୟାମିଂକୁ ପ୍ରତିହତ କରିବା ପାଇଁ, ଅନେକ ଆକ୍ରମଣାତ୍ମକ ଡ୍ରୋନଗୁଡ଼ିକୁ ରେଡିଓ ସିଗ୍ନାଲର ପରିବର୍ତ୍ତେ ଅତି-ପତଳା ଫାଇବର୍-ଅପ୍ଟିକ୍ କେବଲ୍ ମାଧ୍ୟମରେ ନିୟନ୍ତ୍ରଣ କରାଯାଉଛି। ଏହି କେବଲ୍ଗୁଡ଼ିକ ୨୦ କିଲୋମିଟର ପର୍ଯ୍ୟନ୍ତ ଲମ୍ବା ହୋଇପାରେ ଏବଂ ଡ୍ରୋନ୍ ଉଡ଼ୁଥିବା ସମୟରେ ଏହା ତାହାର ପଛରେ ଧୀରେ ଖୋଲିଯାଏ।
ବସା ତିଆରି କରିଥିବା ପ୍ରଜାତିର ପକ୍ଷୀ ଏପର୍ଯ୍ୟନ୍ତ ଚିହ୍ନଟ କରାଯାଇପାରିନାହିଁ। ବସାରେ ବ୍ୟବହୃତ କୃତ୍ରିମ ସାମଗ୍ରୀ ଉପରେ ଅଧ୍ୟୟନ କରୁଥିବା ଡଚ୍ ଜୀବବିଜ୍ଞାନୀ ଆଉକେ-ଫ୍ଲୋରିଆନ୍ ହିମସ୍ତ୍ରା, ବସାର ମୂଳ ନିର୍ମାତାଙ୍କୁ ଚିହ୍ନଟ କରିବା ପାଇଁ ଡିଏନଏର ଅଂଶ ଖୋଜିବା ଉଦ୍ଦେଶ୍ୟରେ ଏକ ବସାର ଯାଞ୍ଚ କରିବେ। ଗବେଷକମାନେ ସ୍ୱୀକାର କରିଛନ୍ତି ଯେ ସେମାନେ ପୂର୍ବରୁ କେବେ ଫାଇବର୍-ଅପ୍ଟିକ୍ ଡ୍ରୋନ୍ କେବଲ୍ରୁ ତିଆରି ଏମିତି ଘୋସା ଦେଖିନଥିଲେ। ଉକ୍ରେନ୍ରୁ ଆସିଥିବା ଏହି ଅଦ୍ଭୁତ ଦୃଶ୍ୟ ସ୍ପଷ୍ଟ କରୁଛି ଯେ, ଯୁଦ୍ଧ କେବଳ ମାନବଙ୍କୁ ନୁହେଁ, ପ୍ରକୃତି ଓ ପ୍ରାଣୀଜଗତକୁ ମଧ୍ୟ ଗଭୀର ଭାବରେ ପ୍ରଭାବିତ କରୁଛି ।
