ନୂଆଦିଲ୍ଲୀ, ୧୯।୧୧ : ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଟେଷ୍ଟ୍ ସିରିଜର ପ୍ରଥମ ମୁକାବିଲା ଆରମ୍ଭ ହୋଇଛି । ମୁକାବିଲାର ପ୍ରଥମ ଦିନରେ ମାହୋଲ ସରଗରମ ରହିଛି । ଏପରିକି ଶୁଭମନ୍ ଗିଲଙ୍କ ରାଗ ମଧ୍ୟ ଦେଖିବାକୁ ମିଳିଛି । ଗ୍ଲେନ୍ ଫିଲିପ୍ସଙ୍କ ଏଲବିଡବଲୁ ଅପିଲ୍ ଖାରଜ ହେଲା ପରେ ଗିଲ୍ ରାଗି ଯାଇଥିଲେ । ସେ ଅମ୍ପାୟାର ରିଚାର୍ଡ ଇଲିଂବର୍ଥଙ୍କ ସହ ଯୁକ୍ତିତର୍କ କରିଥିଲେ । ଏପରିକି ତାଙ୍କ ନିଷ୍ପତ୍ତି ଉପରେ ପ୍ରଶ୍ନ ଉଠାଇଥିଲେ ।
ଏହି ଘଟଣା ନ୍ୟୁଜିଲାଣ୍ଡର ପ୍ରଥମ ଇନିଂସର ୩୧ତମ ଓଭରରେ ଘଟିଥିଲା । ଏହି ଓଭରରେ ବୋଲିଂ କରୁଥିଲେ ଜସପ୍ରିତ ବୁମରା । ଓଭରର ତୃତୀୟ ବଲରେ ବୁମରାଙ୍କ ଏକ ବଲ୍ ଫିଲିପ୍ସଙ୍କ ପ୍ୟାଡରେ ବାଜିଥିଲା । ଏହାକୁ ନେଇ ଭାରତୀୟ ଖେଳାଳି ଅପିଲ କରିଥିଲେ । ହେଲେ ଅମ୍ପାୟାର ନଟ୍ ଆଉଟ୍ ଦେଇଥିଲେ । ଗିଲ ବୁମରା ଏବଂ ଓ୍ୱିକେଟ୍ କିପରଙ୍କ ସହ ଆଲୋଚନା କରି ଡିଆରଏସ୍ ନେଇଥିଲେ ।
Also Read :- Sporting spirit: SAFF ଫାଇନାଲ୍ ପରେ ଭାରତୀୟ ଦଳକୁ ‘ଗାର୍ଡ ଅଫ୍ ଅନର୍’ ଦେଲା ପାକିସ୍ତାନ
ରିଭ୍ୟୁ ନେବା ପୂର୍ବରୁ ବୁମରାଙ୍କୁ ବଲ୍ ସାମାନ୍ୟ ଉପରକୁ ଯାଇଥିବା ଲାଗିଥିଲା । ସେ ଗିଲଙ୍କୁ ଏହା ଆଉଟ୍ ବୋଲି କହିଥିଲେ । ବଲଟି ବ୍ୟାଟକୁ ସ୍ପର୍ଶ କରିନଥିବା ମଧ୍ୟ ଗିଲ୍ ଭାବିଥିଲେ । ହେଲେ ସ୍ନିକୋ ମିଟରରେ ବଲଟି ବ୍ୟାଟ୍ ନିକଟରେ ଯାଉଥିବା ବେଳେ ଏଥିରେ ବଡ ସ୍ପାଇକ୍ ଜଣା ପଡିଥିଲା । ସାମ୍ନାରୁ ମିଳିଥିବା ଫୁଟେଜରେ ଚିତ୍ର ସ୍ପଷ୍ଟ ଆସିନଥିଲା । ତୃତୀୟ ଅମ୍ପାୟାର ବାରମ୍ବାର ରିପ୍ଲେ ଦେଖିବା ପରେ ବଲଟି ବ୍ୟାଟରେ ହାଲୁକା ସ୍ପର୍ଶ କରିଥିବା ଦେଖିଥିଲେ । ସେ ଫିଲ୍ଡ ଅମ୍ପାୟାରଙ୍କ ନିଷ୍ପତ୍ତିକୁ କାଏମ୍ ରଖିଥିଲେ ।
The skipper isn’t pleased!
A tense moment in the middle as Shubman Gill makes his case to the umpire!
Watch the HERO VIDA India Tour of New Zealand, 1st Test, LIVE NOW on Sony Sports Network TV channels & Sony LIV. #SonySportsNetwork #SonyLIV #NZvIND https://t.co/Jlh2oa40fc
— Sony Sports Network (@SonySportsNetwk) November 19, 2026
ତୃତୀୟ ଅମ୍ପାୟାରଙ୍କ ନିଷ୍ପତ୍ତି ଆସିବା ପରେ ଶୁଭମନ ଅମ୍ପାୟାର ରିଚାର୍ଡଙ୍କ ସହ କଥା ହୋଇଥିଲେ । ଗିଲଙ୍କ କହିବାନୁସାରେ ବ୍ୟାଟ୍ ଏବଂ ପ୍ୟାଡ୍ ଭିତରେ ଖୁବ୍ ଅଧିକ ବ୍ୟବଧାନ ଥିଲା । ବଲ୍ ଆଗ ପ୍ୟାଡରେ ବାଜିଥିଲା । ଅମ୍ପାୟାର ଗିଲଙ୍କୁ ବୁଝାସୁଝା କରିଥିଲେ । କିନ୍ତୁ ଗିଲ୍ ମୁଣ୍ଡ ହଲାଇ ଚାଲି ଆସିଥିଲେ । ବୁମରା ମଧ୍ୟ ନିଷ୍ପତ୍ତିରେ କୁସି ନଥିଲେ ।
ସୂଚନାଯୋଗ୍ୟ, ରିପ୍ଲେରେ ବଲ୍ ଷ୍ଟମ୍ପ୍ ଉପରକୁ ଯାଉଥିବା ଦେଖିବାକୁ ମିଳିଥିଲା । ବଲ୍ ବ୍ୟାଟରେ ବାଜିନଥିଲେ ବି ଆଉଟ୍ ହେବା ସମ୍ଭାବନା କମ୍ ଥିଲା ।

A tense moment in the middle as Shubman Gill makes his case to the umpire!
Watch the HERO VIDA India Tour of New Zealand, 1st Test, LIVE NOW on Sony Sports Network TV channels & Sony LIV. #SonySportsNetwork #SonyLIV #NZvIND https://t.co/Jlh2oa40fc