‘ସଞ୍ଜୟଙ୍କୁ ଖଳନାୟକ ଓ ରାଜୀବଙ୍କୁ ନାୟକ’, ସୋନିଆ ଗାନ୍ଧୀଙ୍କ ପୁସ୍ତକକୁ ନେଇ ନିଶିକାନ୍ତ ଦୁବେଙ୍କ ଟାର୍ଗେଟ୍
କଂଗ୍ରେସ ସଂସଦୀୟ ଦଳ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ଆତ୍ମଜୀବନୀ ‘ବିଲଙ୍ଗିଂ: ଏ ଜର୍ଣ୍ଣି ଅଫ୍ ଲଭ୍’ ମଙ୍ଗଳବାର ଉନ୍ମୋଚିତ ହୋଇଛି । ଏହି ପୁସ୍ତକକୁ ନେଇ ଏବେ ବିଜେପି ସାଂସଦଙ୍କ ପ୍ରତିକ୍ରିୟା ସାମନାକୁ ଆସିଛି । ବିଜେପି ସାଂସଦ ନିଶିକାନ୍ତ ଦୁବେ ସୋନିଆ ଗାନ୍ଧୀଙ୍କ ପୁସ୍ତକକୁ ନେଇ ତୀବ୍ର ସମାଲୋଚନା କରିଛନ୍ତି । ଝାଡ଼ଖଣ୍ଡର ଦେଓଘରଠାରେ ଗଣମାଧ୍ୟମ ସହ କଥା ହୋଇ ଦୁବେ କହିଛନ୍ତି ଯେ, ସୋନିଆ ଗାନ୍ଧୀ ନିଜ ପୁସ୍ତକରେ ସଞ୍ଜୟ ଗାନ୍ଧୀଙ୍କୁ ଖଳନାୟକ ଏବଂ ରାଜୀବ ଗାନ୍ଧୀଙ୍କୁ ନାୟକ ଭାବେ ଉପସ୍ଥାପନ କରିଛନ୍ତି । ଯେତେବେଳେ କରସେବକଙ୍କ ଉପରେ ଗୁଳି ଚାଳନା ହୋଇଥିଲା, ସେତେବେଳେ ସୋନିଆ ଗାନ୍ଧୀଙ୍କ ଆଖିରେ ଲୁହ ଆସିନଥିଲା । କିନ୍ତୁ ବାବ୍ରି ମସଜିଦ ଭଙ୍ଗାଯିବା ସମୟରେ ତାଙ୍କ ଆଖିରେ ଲୁହ ଆସିଥିଲା ବୋଲି ସେ କହିଛନ୍ତି ।
ନିଶିକାନ୍ତ ଦୁବେ ପୁସ୍ତକକୁ ନେଇ ସୋନିଆ ଗାନ୍ଧୀଙ୍କୁ ପ୍ରଶ୍ନ କରି କହିଛନ୍ତି, ଏହା କେଉଁ ପ୍ରକାରର ରି-ଲଞ୍ଚିଂ ? ସୋନିଆ ଗାନ୍ଧୀ ଗୋଟିଏ ବହି ଲେଖିଛନ୍ତି, ଯେଉଁଥିରେ ସଞ୍ଜୟ ଗାନ୍ଧୀଙ୍କୁ ଖଳନାୟକ ଏବଂ ରାଜୀବ ଗାନ୍ଧୀଙ୍କୁ ନାୟକ ଭାବେ ଦର୍ଶାଇଛନ୍ତି । କିନ୍ତୁ ତାଙ୍କର ଏହି ଦାବିର ଜବାବ ଦେବା ପାଇଁ ଏବେ ସଞ୍ଜୟ ଗାନ୍ଧୀ, ଇନ୍ଦିରା ଗାନ୍ଧୀ କିମ୍ବା ରାଜୀବ ଗାନ୍ଧୀ କେହି ଜୀବିତ ନାହାନ୍ତି । ତେଣୁ ସେ ଯାହା କହିଛନ୍ତି, ତାହା ଠିକ୍ କି ଭୁଲ୍ ବୋଲି କିଏ ସ୍ଥିର କରିବ ବୋଲି ଦୁବେ ପ୍ରଶ୍ନ କରିଛନ୍ତି ।
ନିଶିକାନ୍ତ ଦୁବେ ଆହୁରି କହିଛନ୍ତି, ଯଦି ସୋନିଆ ଗାନ୍ଧୀ ଜରୁରୀକାଳୀନ ପରିସ୍ଥିତିର ଏତେ ବିରୋଧୀ ଥିଲେ, ତେବେ ୧୯୮୦ ନିର୍ବାଚନରେ ଇନ୍ଦିରା ଗାନ୍ଧୀ କାହିଁକି ସଞ୍ଜୟ ଗାନ୍ଧୀଙ୍କୁ ନିର୍ବାଚନ ମଇଦାନକୁ ଓହ୍ଲାଇଥିଲେ ? ତାଙ୍କ ବଦଳରେ ରାଜୀବ ଗାନ୍ଧୀଙ୍କୁ କାହିଁକି ଓହ୍ଲାଇ ନଥିଲେ ? ସେ ଆହୁରି ଦାବି କରିଛନ୍ତି ଯେ, ୧୯୮୯ ନିର୍ବାଚନର ଠିକ୍ ପୂର୍ବରୁ ରାଜୀବ ଗାନ୍ଧୀ ରାମ ଜନ୍ମଭୂମି ମନ୍ଦିରର ଭିତ୍ତିପ୍ରସ୍ତର ସ୍ଥାପନ କରିଥିଲେ । କରସେବକଙ୍କ ଉପରେ ଗୁଳି ଚାଳନା ସମୟରେ ସୋନିଆ ଗାନ୍ଧୀଙ୍କ ଆଖିରେ ଲୁହ ଆସିନଥିଲା । କିନ୍ତୁ ବାବ୍ରି ମସଜିଦ ଭଙ୍ଗାଯିବା ସମୟରେ ତାଙ୍କ ଆଖିରେ ଲୁହ ଆସିଥିଲା ।
#WATCH | Deoghar, Jharkhand: BJP MP Nishikant Dubey says, “What kind of relaunch is this? Sonia Gandhi has written a book in which she has portrayed Sanjay Gandhi as a villain and Rajiv Gandhi as a hero. Neither Sanjay Gandhi, Indira Gandhi, nor Rajiv Gandhi is alive to respond to these claims. Ultimately, who will decide whether what she has said is right or wrong? If she was so opposed to the Emergency, why did Indira Gandhi field Sanjay Gandhi in the 1980 elections? Why was Rajiv Gandhi not fielded instead? Secondly, Rajiv Gandhi performed the foundation-laying ceremony for the Ram Janmabhoomi temple in 1989, just before the elections. When Kar Sevaks were subjected to firing, Sonia Gandhi did not shed tears. But when the Babri Masjid was demolished, tears came to her eyes. I feel that she does not properly understand India’s civilisation and culture, including the values of a joint family, the role of elders, the role of younger members and the role of a mother-in-law. When Maneka Gandhi was being forced out of the family home, did Sonia Gandhi not feel bad? I feel this book is merely about praising herself, portraying herself as someone very good while suggesting that everyone else in the world is bad. I believe this is against Indian culture.”
— ANI (@ANI) November 10, 2026
ମାନେକା ଗାନ୍ଧୀଙ୍କ ପ୍ରସଙ୍ଗ ଉଠାଇ ନିଶିକାନ୍ତ ଦୁବେ କହିଛନ୍ତି ଯେ, ସୋନିଆ ଗାନ୍ଧୀ ଭାରତର ସଭ୍ୟତା ଓ ସଂସ୍କୃତିକୁ ଠିକ୍ ଭାବେ ବୁଝିପାରିନାହାନ୍ତି । ଭାରତୀୟ ସଂସ୍କୃତିରେ ଯୌଥ ପରିବାରର ମୂଲ୍ୟବୋଧ, ବଡ଼ମାନଙ୍କ ଭୂମିକା, ସାନମାନଙ୍କ ଭୂମିକା ଏବଂ ଶାଶୂଙ୍କ ଭୂମିକା ରହିଛି । ଯେତେବେଳେ ମାନେକା ଗାନ୍ଧୀଙ୍କୁ ପରିବାରର ଘରୁ ବାହାର କରାଯାଉଥିଲା, ସେତେବେଳେ ସୋନିଆ ଗାନ୍ଧୀଙ୍କୁ ଖରାପ ଲାଗିନଥିଲା କି ବୋଲି ସେ ପ୍ରଶ୍ନ କରିଛନ୍ତି । ଦୁବେ କହିଛନ୍ତି, ଏହି ପୁସ୍ତକ କେବଳ ନିଜର ପ୍ରଶଂସା କରିବା ପାଇଁ ସେ ଲେଖିଛନ୍ତି । ଏଥିରେ ସୋନିଆ ନିଜକୁ ବହୁତ ଭଲ ଏବଂ ବାକି ଦୁନିଆକୁ ଖରାପ ଭାବେ ଦର୍ଶାଇଛନ୍ତି । ଏହା ଭାରତୀୟ ସଂସ୍କୃତିର ବିରୋଧୀ ବୋଲି ସେ ମତ ଦେଇଛନ୍ତି ।
