ବବି ଦେଓଲଙ୍କ ‘ଜମାଲ କୁଡୁ’ ଷ୍ଟେପ୍କୁ ରିକ୍ରିଏଟ୍ କଲେ ମାଧୁରୀ ଦୀକ୍ଷିତ, ମୁଣ୍ଡରେ ଗ୍ଲାସ୍ ରଖି ଦେଖାଇଲେ ଜବରଦସ୍ତ ଡ୍ୟାନ୍ସ !
ବମ୍ବେ ,୭ /୧୧ -; ବଲିଉଡ୍ର ଧକ୍ଧକ୍ ଗର୍ଲ ମାଧୁରୀ ଦୀକ୍ଷିତଙ୍କ ଡ୍ୟାନ୍ସର ଯାଦୁ ପୁଣି ଥରେ ଦେଖିବାକୁ ମିଳିଛି। ଏଥର ସେ ନିଜର ଡ୍ୟାନ୍ସ ଷ୍ଟାଇଲ୍ରେ ରିକ୍ରିଏଟ୍ କରିଛନ୍ତି ବବି ଦେଓଲଙ୍କ ଫିଲ୍ମ ‘ଆନିମଲ୍’ର ଲୋକପ୍ରିୟ ଗୀତ ‘ଜମାଲ କୁଡୁ’ର ହୁକ୍ ଷ୍ଟେପ୍। ଦୀପାବଳି ଉତ୍ସବ ଅବସରରେ ମାଧୁରୀଙ୍କ ଏହି ଡ୍ୟାନ୍ସ ଭିଡିଓ ଏବେ ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହେଉଛି। ମୁଣ୍ଡ ଉପରେ ଗ୍ଲାସ୍ ରଖି ଚମତ୍କାର ବାଲାନ୍ସ ସହ ଡ୍ୟାନ୍ସ କରିଛନ୍ତି ଅଭିନେତ୍ରୀ। ତାଙ୍କର ଏହି ଅନ୍ଦାଜ ଦେଖି ପ୍ରଶଂସକମାନେ ଖୁବ୍ ପ୍ରଶଂସା କରୁଛନ୍ତି।
ସୂଚନା ଅନୁସାରେ, ରଣବୀର କପୁରଙ୍କ ଅଭିନୀତ ଫିଲ୍ମ ‘ଆନିମଲ୍’ରେ ବବି ଦେଓଲଙ୍କ ଏଣ୍ଟ୍ରି ସମୟରେ ବାଜିଥିବା ‘ଜମାଲ କୁଡୁ’ ଗୀତ ବେଶ୍ ଲୋକପ୍ରିୟ ହୋଇଥିଲା। ଏହି ଗୀତରେ ବବି ଦେଓଲ ନିଜ ମୁଣ୍ଡ ଉପରେ ଗ୍ଲାସ୍ ରଖି ଯେଉଁ ଡ୍ୟାନ୍ସ ଷ୍ଟେପ୍ କରିଥିଲେ, ତାହା ସାରା ବିଶ୍ୱରେ ଭାଇରାଲ୍ ହୋଇଥିଲା। ଏବେ ସେହି ଷ୍ଟେପ୍କୁ ନିଜ ଷ୍ଟାଇଲ୍ରେ କରି ଚର୍ଚ୍ଚାକୁ ଆସିଛନ୍ତି ମାଧୁରୀ।
ଭାଇରାଲ୍ ଭିଡିଓରେ ମାଧୁରୀଙ୍କୁ ଏକ ସୁନ୍ଦର ସଲୱାର ସୁଟ୍ରେ ଦେଖିବାକୁ ମିଳିଛି। ମୁଣ୍ଡ ଉପରେ ଗ୍ଲାସ୍ ରଖି ସେ ଅତି ସହଜରେ ନିଜର ଡ୍ୟାନ୍ସ ମୁଭ୍ସ ଦେଖାଉଛନ୍ତି। ଗ୍ଲାସ୍ର ବାଲାନ୍ସ ନଷ୍ଟ ନକରି ତାଳ ଓ ଲୟରେ ଡ୍ୟାନ୍ସ କରିବାର ତାଙ୍କ ଶୈଳୀ ପ୍ରଶଂସକଙ୍କୁ ବେଶ୍ ପସନ୍ଦ ଆସିଛି।
ମାଧୁରୀଙ୍କ ଏହି ଭିଡିଓକୁ ଅନେକ ୟୁଜର୍ସ ସୋସିଆଲ୍ ମିଡିଆରେ ସେୟାର କରିବା ସହ ବିଭିନ୍ନ ପ୍ରତିକ୍ରିୟା ଦେଉଛନ୍ତି। କେହି ଏହାକୁ ‘ଜମାଲ କୁଡୁ’ର ଫେମିନିଷ୍ଟ ଭର୍ସନ୍ ବୋଲି କହିଥିବା ବେଳେ ଆଉ କେହି ମାଧୁରୀଙ୍କ ଡ୍ୟାନ୍ସ ଓ ତାଙ୍କର ଅଦ୍ଭୁତ ବାଲାନ୍ସର ପ୍ରଶଂସା କରିଛନ୍ତି। ଜଣେ ୟୁଜର୍ ଲେଖିଛନ୍ତି, ‘ଆନିମଲ୍ର ଫେମିନିଷ୍ଟ ଭର୍ସନ୍’। ଅନ୍ୟ ଜଣେ ଲେଖିଛନ୍ତି, ‘କି ଚମତ୍କାର ମହିଳା’। ସେହିପରି ଆଉ ଜଣେ ମାଧୁରୀଙ୍କ ଡ୍ୟାନ୍ସକୁ ପ୍ରଶଂସା କରି କହିଛନ୍ତି ଯେ, ସେ ସବୁକିଛି ଏତେ ସୁନ୍ଦର ଭାବରେ କରିପାରନ୍ତି।
ଅନ୍ୟପଟେ ରିପୋର୍ଟ ଅନୁସାରେ, ନିକଟରେ ମାଧୁରୀ ଦୀକ୍ଷିତ ଓ ତାଙ୍କ ସ୍ୱାମୀ ଡାକ୍ତର ଶ୍ରୀରାମ ନେନେ ଏକ ଦୀପାବଳି ପାର୍ଟିର ଆୟୋଜନ କରିଥିଲେ। ଏହି ପାର୍ଟିରେ ତୃପ୍ତି ଡିମ୍ରିଙ୍କ ସମେତ ଅନ୍ୟ କିଛି ସେଲିବ୍ରିଟି ଯୋଗ ଦେଇଥିବା ଖବର ସାମ୍ନାକୁ ଆସିଥିଲା। ସେହିପରି ଫ୍ୟାଶନ୍ ଡିଜାଇନର୍ ମନୀଷ ମଲହୋତ୍ରା ମଧ୍ୟ ଏକ ଦୀପାବଳି ପାର୍ଟି ଆୟୋଜନ କରିଥିଲେ। ଏଥିରେ ମାଧୁରୀ ନିଜ ସ୍ୱାମୀ ଡାକ୍ତର ଶ୍ରୀରାମ ନେନେ ଓ ପୁଅ ଆରିନ୍ ନେନେଙ୍କ ସହ ଯୋଗ ଦେଇଥିଲେ। ନିଜର ଆକର୍ଷଣୀୟ ଲୁକ୍ରେ ସେ ସେଠାରେ ମଧ୍ୟ ଚର୍ଚ୍ଚାରେ ରହିଥିଲେ।
also read- ବକ୍ସ ଅଫିସରେ ‘ରାମାୟଣ’ର ରେକର୍ଡ ବର୍ଷା, ତୃତୀୟ ଦିନରେ ୫୦ କୋଟି ପାର୍ କଲା ଫିଲ୍ମ !
ମାଧୁରୀଙ୍କ ପେସାଦାର ଜୀବନକୁ ନେଇ ମଧ୍ୟ ଏକ ଖବର ଚର୍ଚ୍ଚାରେ ରହିଛି। ସେ ପ୍ରାୟ ୨୪ ବର୍ଷ ପରେ ଟେଲିଭିଜନ୍କୁ ଫେରିବାକୁ ଯାଉଥିବା ଚର୍ଚ୍ଚା ହେଉଛି। ମରାଠୀ କୁଇଜ୍ ଶୋ’ ‘କୌନ୍ ହୋନାର କରୋଡପତି’ର ହୋଷ୍ଟ ଭାବେ ସେ ନଜର ଆସିପାରନ୍ତି ବୋଲି ରିପୋର୍ଟ ପ୍ରକାଶ ପାଇଛି। ଏହି ଶୋ’ ଅକ୍ଟୋବର ୨୦୨୬ରେ ପ୍ରସାରିତ ହେବା ନେଇ ଖବର ରହିଛି। ସେହିପରି ମାଧୁରୀଙ୍କୁ ଶେଷଥର ପାଇଁ ଫିଲ୍ମ ‘ମାଁ ବେହନ୍’ରେ ଦେଖିବାକୁ ମିଳିଥିଲା। ଜୁନ୍ ୪ ତାରିଖରେ ନେଟଫ୍ଲିକ୍ସରେ ରିଲିଜ୍ ହୋଇଥିବା ଏହି ଫିଲ୍ମରେ ତୃପ୍ତି ଡିମ୍ରି ଓ ରବି କିଶନ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଥିଲେ।ମୋଟାମୋଟି ଭାବେ, ବବି ଦେଓଲଙ୍କ ଲୋକପ୍ରିୟ ଡ୍ୟାନ୍ସ ଷ୍ଟେପ୍କୁ ନିଜ ଅନ୍ଦାଜରେ ପରିବେଷଣ କରି ମାଧୁରୀ ପୁଣି ଥରେ ସୋସିଆଲ୍ ମିଡିଆରେ ଚର୍ଚ୍ଚାର କେନ୍ଦ୍ର ପାଲଟିଛନ୍ତି।
