হিতাধিকাৰীক লৈ অসম কেবিনেটে আকৌ ভাল খবৰ দিছে। ১ আগষ্টৰ পৰা সকলো চৰকাৰী আঁচনীৰ সুবিধা পূৰ্বৰ দৰেই লাভ কৰিব বুলি মুখ্যমন্ত্ৰী গৰাকীয়ে কয়।
চৰকাৰী আঁচনি, ৰেচনক লৈ এক ডাঙৰ খবৰ আহি গ’ল। ১ আগষ্টৰ পৰা চেনি, চাউল, তেল সকলো লাভ কৰিব ৰাজ্যবাসীয়ে। মন্ত্ৰীসভাৰ সম্প্ৰসাৰণৰ পিছতেই মুখ্যমন্ত্ৰী ড০ হিমন্ত বিশ্ব শৰ্মাৰ অধ্যক্ষত প্ৰথমখন কেবিনেট বৈঠত অনুষ্ঠিত হয়। এই কেবিনট বৈঠক অন্তত মুখ্যমন্ত্ৰী ড০ হিমন্ত বিশ্ব শৰ্মাই ৰাজ্যবাসীক দিছে ভাল খবৰ।
মুখ্যমন্ত্ৰী গৰাকীয়ে কয় যে, ৬ জুলাইৰ পৰা ২১ দিনীয়া পূৰ্ণাংগ বাজেট অধিবেশনখন হ’ব। এই বাজেট অধিৱেশনৰ পিছতেই ১ আগষ্টৰ পৰা চেনি, চাউল, তেল সকলো লাভ কৰিব ৰাজ্যবাসীয়ে। ইমানেই নহয় অৰুণোদয় হিতাধিকাৰীয়েও পাব ধন। ৰাজ্যত পূৰ্ণ্যোদ্যমে চলিব আঁচনি ৰূপায়নৰ কাম।
তেওঁ লগতে কয় যে, ৭ দিনৰ ভিতৰত চূড়ান্ত হ’ব মন্ত্ৰীৰ দপ্তৰ। কিন্তু শনিবাৰে জিলা সমূহৰ অভিভাৱক মন্ত্ৰীৰ দায়িত্ব দিয়া হ’ব।
লগতে পঢ়ক: শপত গ্ৰহণ পিছতেই মন্ত্ৰীসভাৰ সদস্যৰে মুখ্যমন্ত্ৰীৰ কেবিনেট বৈঠক
