ଭୁବନେଶ୍ବର: ଜେଲ୍ ଗଲା ନୟାପଲ୍ଲୀ ଦୁଷ୍କର୍ମ ଘଟଣାର ମୁଖ୍ୟ ଅଭିଯୁକ୍ତ ଶ୍ରୀଧର ପଣ୍ଡା । ରବିବାର କ୍ୟାପିଟାଲ ହସ୍ପିଟାଲରେ ଡାକ୍ତରୀ ମାଇନା ପରେ ତାକୁ ଜେଲ୍ ପଠାଇ ଦିଆଯାଇଛି । ଅଭିଯୁକ୍ତ ବିରୁଦ୍ଧରେ ସଙ୍ଗୀନ ଦଫା ଲଗାଇ କୋର୍ଟ ଚାଲାଣ କରାଯାଇଥିବା ପୋଲିସ କହିଛି । ଏହା ପୂର୍ବରୁ ପୋଲିସ ତାକୁ କୋର୍ଟରେ ହାଜର କରିଥିଲା । କୋର୍ଟରେ ଘଟଣାସ୍ଥଳରୁ ମିଳିଥିବା ଅଭିଯୁକ୍ତର କିଛି ପ୍ରମାଣ, ସ୍ଥାନୀୟ ଅଞ୍ଚଳର ସିସିଟିଭି ଫୁଟେଜ, ନକଲି ପିସ୍ତଲକୁ କୋର୍ଟରେ ପ୍ରମାଣ ସ୍ଵରୂପ ଦାଖଲ କରିଛି ପୋଲିସ । ଏହା ସହିତ ଅଭିଯୁକ୍ତ ବିରୁଦ୍ଧରେ ନୟାପଲ୍ଲୀ ଥାନାରେ ଦୁଷ୍କର୍ମ, ବନ୍ଧୁକ ଦେଖାଇ ଦୁଷ୍କର୍ମର ବିଭିନ୍ନ ଧାରାରେ ମାମଲା ରୁଜୁ ହୋଇଛି ।
ସୂଚନାଥାଉକି, ଗତ ବୁଧବାର ରାତିରେ ନୟାପଲ୍ଲୀ ଥାନା ଅଞ୍ଚଳରେ ଅଭିଯୁକ୍ତ ସନ୍ତୋଷ ଘଟଣାଇଥିଲା ନାରକୀୟ କାଣ୍ଡ। ଚୋରି ଉଦ୍ଦେଶ୍ୟରେ ମହିଳାଙ୍କ ଘରେ ପଶି କରିଥିଲା ଦୁଷ୍କର୍ମ। ରାଜଧାନୀ ଛାତି ଉପରେ ଘଟିଥିବା ଏହି ଜଘନ୍ୟ କାଣ୍ଡ ପୋଲିସ ପାଇଁ ପାଲଟିଥିଲା ବଡ଼ ଚ୍ୟାଲେଞ୍ଜ । ଏମିତିରେ ଘଟଣାର ୪୮ ଘଣ୍ଟା ମଧ୍ୟରେ ନୟାପଲ୍ଲୀ ପୋଲିସ ଓ ସ୍ପେଶାଲ ସ୍କାର୍ଡ ଅଭିଯୁକ୍ତକୁ ଗିରଫ କରିଥିଲା ।
ଗିରଫଦାରୀ ସମୟରେ ଅଭିଯୁକ୍ତ ପୋଲିସ ଉପରକୁ ଆକ୍ରମଣ କରିଥିଲା । ହେଲେ ପୋଲିସର ପାଲଟା ଗୁଳିରେ ଆହତ ହୋଇଥିଲା । ତେଣୁ ତାକୁ ଚିକିତ୍ସା ପରେ ରବିବାର କୋର୍ଟରେ ହାଜର କରାଯାଇଥିଲା । ଯାହା ପରେ ହାଜତକୁ ପଠାଇ ଦିଆଯାଇଛି । ସେପଟେ ଦୁଷ୍କର୍ମ ପରେ ଅଭିଯୁକ୍ତ ଯେଉଁ ବାଇକ୍ ଚୋରି କରି ମଞ୍ଚେଶ୍ବର ଯାଇଥିଲା ଏବଂ ସେହି ବାଇକକୁ ବିକିଥିବା ଦୁଇ ବ୍ୟକ୍ତିଙ୍କୁ ଥାନାରେ ଅଟକ ରଖି ପଚରାଉଚରା କରୁଛି ପୋଲିସ।
Also Read: ଶୁଭଶ୍ରୀ ମୃତ୍ୟୁ ମାମଲାରେ ନୂଆ ଟ୍ୱିଷ୍ଟ: ଏତଲାର ଦିନକ ପରେ ଶୁଦ୍ଧି, ଉଠିଲା ବଡ଼ ପ୍ରଶ୍ନ
ତେବେ ଆଗକୁ ଦଶହରା ଆସୁଥିବା ବେଳେ, ତା’ ପୁର୍ବରୁ ରାଜଧାନୀରେ କୌଣସି ପ୍ରକାର ଅପରାଧ କଲେ କମିସନରେଟ ପୋଲିସ ତାର ଦୃଢ଼ ଜବାବ ଦେବ। ଅପରାଧୀମାନଙ୍କୁ ଏଭଳି ଚେତାବନୀ ଦେଇଛନ୍ତି ଡିସିପି ଡକ୍ଟର ସର୍ବଣା ବିବେକ ଏମ୍ ।
